யாழில் (Jaffna) வீட்டு கிணற்றில் குளித்துக்கொண்டு இருந்தவேளை தவறி கிணற்றினுள் விழுந்து பூசகர் ஒருவர் உயிரிழந்துள்ளார்.
சுதுமலை தெற்கு, மானிப்பாய் பகுதியைச் சேர்ந்த 52 வயதான மகாலிங்கம் கருணாகரன் என்ற பூசகரே இவ்வாறு உயிரிழந்துள்ளார்.
இச்சம்பவம் குறித்து மேலும் தெரியவருகையில், குறித்த பூசகர் மரணச் சடங்கு ஒன்றிற்கு சென்றுவிட்டு வீட்டிற்கு வந்து குளித்துக்கொண்டு இருந்தவேளை கால்தவறி கிணற்றினுள் விழுந்து உயிரிழந்தார்.
இந்நிலையில், அவரது சடலம் கிணற்றினுள் மிதப்பதை அவதானித்த உறவினர்கள் மானிப்பாய் பொலிஸ் நிலையத்திற்கு தெரியப்படுத்தியுள்ளனர்.
இதனை தொடர்ந்து, அவரது சடலம் மீட்கப்பட்டுள்ளதுடன் சடலம் மீதான மரண விசாரணைகள், திடீர் மரண விசாரணை அதிகாரிகளால் மேற்கொள்ளப்பட்டுள்ளது.
மேற்படி, உடற்கூற்று பரிசோதனைகளின் பின்னர் சடலம் உறவினர்களிடம் ஒப்படைக்கப்பட்டுள்ளது.
