ஹம்பாந்தோட்டை பகுதியில் டிப்பர் ரக வாகனம் மோட்டார் சைக்கிள் மோதி விபத்துக்குள்ளானதில் ஒருவர் உயிரிழந்துள்ளதுடன் மற்றுமொருவர் படுகாயமடைந்துள்ளதாக பொலிஸார் தெரிவித்துள்ளனர்.
இந்த விபத்து சம்பவம் நேற்றிரவு (11-01-2025) ஹம்பாந்தோட்டை இன்வெஸ்ட்மென்ட் கல்பாய சந்தியில் இடம்பெற்றுள்ளது.
விபத்து தொடர்பில் மேலும் தெரியவருவதாவது,
ஹம்பாந்தோட்டையில் இருந்து மிரிஜ்ஜவில நோக்கி வந்த டிப்பர் ரக வாகனம், ஹம்பாந்தோட்டையில் இருந்து அம்பலாந்தோட்டை நோக்கி பயணித்த மோட்டார் சைக்கிள் மீது மோதியுள்ளதாக தெரிவிக்கப்படுகின்றது.
குறித்த விபத்தில் மோட்டார் சைக்கிளை செலுத்திய நபர் உயிரிழந்துள்ளதாக பொலிஸார் தெரிவித்தனர்.
மற்றுமொருவர் காயமடைந்து ஹம்பாந்தோட்டை பொது வைத்தியசாலையில் சிகிச்சைக்காக அனுமதிக்கப்பட்டுள்ளதாக பொலிஸார் மேலும் தெரிவித்தனர்.
விபத்து குறித்து டிப்பர் வாகனத்தின் சாரதி பொலிஸாரால் கைது செய்யப்பட்டுள்ளார்.
சம்பவம் தொடர்பான மேலதிக விசாரணைகளை ஹம்பாந்தோட்டை துறைமுக பொலிஸார் மேற்கொண்டு வருகின்றனர்.
