2025ஆம் ஆண்டின் ஜனவரி மாதத்திற்குள் இரண்டு இலட்சத்தி ஐம்பத்தி மூன்றாயிரம் சுற்றுலாப் பயணிகள் இலங்கைக்கு வருகை தந்துள்ளனர்.
ஜனவரி மாதமொன்றுக்குள் இலங்கைக்கு வருகை தந்த அதிகூடிய சுற்றுலாப் பயணிகளின் எண்ணிக்கை இதுவாகும்.
இதற்கு முன்னதாக ஜனவரி மாதமொன்றுக்குள் அதிகூடிய சுற்றுலாப் பயணிகள் வருகை தந்த ஆண்டாக 2018ஆம் ஆண்டு பதிவாகியிருந்தது.
குறித்த 2018ஆம் ஆண்டின் ஜனவரி மாதம் இரண்டு லட்சத்தி முப்பத்தி எட்டாயிரம் சுற்றுலாப் பயணிகள் இலங்கைக்கு வருகை தந்திருந்தனர்.
அத்துடன் வருடமொன்றுக்குள் அதிகூடிய சுற்றுலாப் பயணிகள் இலங்கைக்கு வருகை தந்த வருடமாகவும் 2018ம் ஆண்டு பதிவாகியுள்ளது.
கடந்த 2018ஆம் ஆண்டில் இரண்டரை மில்லியனுக்கும் அதிகமான சுற்றுலாப் பயணிகள் இலங்கைக்கு வருகை தந்திருந்தனர்
