இன்றைய கால கட்டத்தில் தலை முடி உதிர்வு என்பது நம்மில் பலருக்கு பெரு பிரச்சினையாகவே இருந்து வருகின்றது. மன அழுத்தம், தூக்கமின்மை, ஹீட் ஸ்டைலிங், மாசுபாடு, மரபியல் போன்ற பல பிரச்சனைகள் முடி உதிர்வதற்கு காரணமாகின்றன.
முடி உதிர்வை கட்டுப்படுத்த கூந்தலுக்கு முட்டைகளைப் பயன்படுத்தி முடியை அடர்த்தியாகவும், ஆரோக்கியமாகவும் வைத்திருக்க உதவும். முடி உதிர்விற்கு முட்டையை இவ்வாறு பயன்படுத்தி வந்தால் முடி உதிர்வை கட்டுப்படுத்துவதற்கு வாய்ப்பாக அமையும்.
தலைமுடிக்கு முட்டை ஏன் முக்கியம்?
உங்கள் தலைமுடி அடிப்படையில் ப்ரோடீனால் ஆனது, எனவே அது மெலிந்தாலோ அல்லது உடையத் தொடங்கினாலோ, அது பெரும்பாலும் ப்ரோடீன் பற்றாக்குறையின் அறிகுறியாகும். முட்டைகளில் பயோட்டின், வைட்டமின்கள் ஏ, டி மற்றும் ஈ ஆகியவற்றுடன், உங்கள் உச்சந்தலையை சீரமைக்கும் நல்ல கொழுப்புகளும் நிறைந்துள்ளன. அதாவது முட்டையில் உள்ள வெள்ளைக்கரு உச்சந்தலையை சுத்தம் செய்கிறது மற்றும் மஞ்சள் கரு ஊட்டமளிக்கிறது.
உங்கள் முடியின் நீளத்தைப் பொறுத்து, ஒன்று அல்லது இரண்டு முட்டைகளை ஒரு கிண்ணத்தில் உடைத்து ஊற்றி நன்கு அடித்துக் கொள்ள வேண்டும். அதை உங்கள் உச்சந்தலையில் மற்றும் மயிரிழைகளில் நேராக தடவி விடவும். பின்னர் உங்கள் தலை முடியை ஷவர் கேப்பைப் போட்டு மூடி, 20 நிமிடங்கள் அப்படியே வைக்கவும், பின்னர் ஷாம்பூ போட்டு குளிர்ந்த நீரில் கழுவவும்.
முட்டை + ஆலிவ் எண்ணெய்
உங்களுக்கு உலர்ந்த முடி அல்லது உடையக்கூடிய முடி முனைகள் உள்ளதா? அப்படியானால் ஒரு முட்டையை எடுத்து ஒரு கிண்ணத்தில் உடைத்து ஊற்றி நன்கு அடித்துக் கொள்ள வேண்டும். பின்னர் அதில் ஒரு டேபிள் ஸ்பூன் ஆலிவ் எண்ணெய்யை சேர்த்து நன்றாக கலக்கி பின்பு தடவவும். ஆலிவ் எண்ணெய் ஆனது உங்கள் முடிக்கு பளபளப்பையும், மென்மையையும் மேம்படுத்துவது மட்டுமல்லாமல், வேர்களையும் வலுப்படுத்தும்.
முட்டை + தயிர்
உங்கள் தலைமுடி தளர்வாக இருந்தால், ஒரு முட்டையில் இரண்டு டேபிள்ஸ்பூன் தயிர் சேர்த்து நன்றாக கலக்கவும். முட்டை மற்றும் தயிர் கலவையானது முடி உதிர்வை தடுத்து முடியின் ஆரோக்கியத்தை மேம்படுத்தும். மேலும் முடிக்கு ஊட்டமளித்து தலைமுடியை மென்மையாகவும் பளபளப்பாகவும் மாற்றும்.
முட்டை + தேன்
உங்களுக்கு பளபளப்பான முடி வேண்டுமா? அப்படியானால் ஒரு முட்டையை ஒரு டேபிள்ஸ்பூன் தேனுடன் சேர்த்து நன்றாக கலக்கவும். தேன் ஈரப்பதத்தை மூடி பளபளப்பான முடிவை அளிக்கிறது, உங்கள் தலைமுடி கொஞ்சம் மந்தமாக இருந்தால் சரியானது.
முட்டை + தேங்காய் எண்ணெய்
உங்களுக்கு முடி உதிர்தல் பிரச்சனை இருந்தால், நீங்கள் முட்டையுடன் ஒரு டேபிள்ஸ்பூன் தேங்காய் எண்ணெய் சேர்த்து தடவ வேண்டும். தேங்காய் எண்ணெய் ஆனது வேர்களுக்கு ஊட்டமளித்து, மயிரிழைகளை உடையாமல் தடுக்கிறது.
