அரசாங்கத்தின் கட்டுப்பாட்டு விலையை விட அதிக விலைக்கு அரிசி விற்றமைக்காக கேகாலை நீதவான நீதிமன்றம் இரண்டு வணிக நிறுவனங்களுக்கு அபராதம் விதித்துள்ளது.
கலிகமுவ நகரத்தைச் சேர்ந்த தனியார் நிறுவனமொன்றுக்கு ரூ. 500,000 செலுத்த உத்தரவிட்ட, அதே நேரத்தில் கேகாலையிலுள்ள பல்பொருள் அங்காடியொன்றுக்கு ரூ. 100,000 அபராதம் விதிக்கப்பட்டு்ள்ளது.
அத்தியாவசியப் பொருட்களின் விற்பனையை ஒழுங்குபடுத்தவும், மீறுபவர்களுக்கு எதிராக சட்ட நடவடிக்கை எடுக்கவும் அதிகாரிகளுக்கு அதிகாரம் அளிக்கும் நுகர்வோர் விவகார அதிகாரசபை (CAA) சட்டத்தின் கீழ் வழக்குகள் தாக்கல் செய்யப்பட்டன.
நுகர்வோரை சுரண்டலில் இருந்து பாதுகாக்க வடிவமைக்கப்பட்ட விதிமுறைகளை மீறி, இரண்டு வணிகங்களும் அதிக விலைக்கு அரிசி விற்றதை விசாரணைகளில் உறுதிப்படுத்திய பின்னர் அபராதம் விதிக்கப்பட்டதாக அதிகாரிகள் தெரிவித்துள்ளனர்.
நியாயமான வர்த்தக நடைமுறைகளை உறுதி செய்வதற்காக சந்தைகள் தொடர்ந்தும் கண்காணிக்கப்படுவதாகவும், 1977 துரித எண் மூலம் இதே போன்ற முறைப்பாடுகளை அளிக்குமாறு நுகர்வோர் விவகார அதிகார சபை பொதுமக்களை கோரியுள்ளது.
