நேற்று ஞாயிற்றுக்கிழமை Saint-Ouen நகரில் இடம்பெற்ற குழு மோதலில் மூவர் காயமடைந்துள்ளனர்.
பகல் இரண்டு மணிக்கு இந்த குழு மோதல் இடம்பெற்றுள்ளது. இரண்டு பிரிவாக பிரிந்துகொண்ட இளைஞர் கூட்டம் ஒன்று ஒருவரை ஒருவர் பலமாக தாக்கியது. Saint-Ouen (Seine-Saint-Denis) நகரின் rue Charles Schmidt வீதியில் இந்த மோதல் இடம்பெற்றதாக அறிய முடிகிறது.
இதில் மூவர் காயமடைந்துள்ளனர். அவர்களில் இருவருக்கு தொடையில் கத்தியால் குத்தப்பட்டும், ஒருவருக்கு வயிற்றில் கத்தியால் குத்தப்பட்டும் உள்ளனர்.
சம்பவ இடத்துக்கு விரைந்து வந்த காவல்துறையினர், குழுமோதலை தடுத்து நிறுத்தியுள்ளனர்.
