துபாய் விளையாட்டு கவுன்சில் (Dubai Sports Council) இந்தியாவின் முன்னாள் கிரிக்கெட் வீரர் ஹர்பஜன் சிங்கை (Harbhajan Singh) துபாய் விளையாட்டு தூதுவராக நியமித்துள்ளது.
குறித்த அறிவிப்பானது துபாய் இளவரசர் ஷேக் ஹம்தான் பின் முகமது பின் ராஷித் அல் மக்தூம் முன்னிலையில் செய்யப்பட்டது.
இந்நிகழ்வில் UFC ஜாம்பவான் கபீப் நூர்மகோமேடோவ் (Khabib Nurmagomedov), டென்னிஸ் வீராங்கனை சானியா மிர்சா (Sania Mirza), மற்றும் கால்பந்து நட்சத்திரம் பட்ரிச் எவ்ரா (Patrice Evra) உள்ளிட்ட பலரும் கலந்து கொண்டனர்.
இப்புதிய பொறுப்பில் ஹர்பஜன் சிங், துபாயின் விளையாட்டு வளர்ச்சியில் முக்கிய பங்கினை வகிக்கவுள்ளார்.
அத்தோடு, இவர் உலக தரமான விளையாட்டு அடிப்படைகளை உருவாக்கி, இந்நகரில் முக்கிய போட்டிகளை நடத்தியதிலும், உள்ளூர் திறமைகளை ஊக்குவித்தலிலும் உதவுவார்.
துபாயின் உலகளவிலான விளையாட்டு மையமாக உருவெடுக்கும் இலக்கை வலுப்படுத்துவதற்கு இந்நியமனம் முக்கியமாக கருதப்படுகின்றது.
