முல்லைத்தீவு – நாயாறு பகுதியில் இராணுவ வாகனம் ஒன்று வீதியை விட்டு விலகி நாயாறு களப்பினுள் வீழ்ந்து விபத்துக்குள்ளாகியுள்ளது.
குறித்த விபத்து சம்பவம் இன்று காலை இடம்பெற்றுள்ளது.
கொக்கிளாய் – முல்லைத்தீவு வீதியால் பயணித்த இராணுவ வாகனமே வேகக்கட்டுப்பாட்டை இழந்த நிலையில் இவ்வாறு விபத்திற்குள்ளாகியுள்ளது.
விபத்தில் சிக்கி காயமடைந்த இராணுவத்தினர் உடனடியாக முல்லைத்தீவு மாவட்ட வைத்தியசாலைக்கு சிகிச்சைக்காக எடுத்துச் செல்லப்பட்டுள்ளனர்.
மேலும் குறித்த சம்பவம் தொடர்பாக மேலதிக விசாரணைகளை பொலிஸார் மேற்கொண்டு வருகின்றனர்.
