யாழ்ப்பாணம் – கொக்குவில், குளப்பிட்டி சந்தியில் இடம்பெற்ற இரு முச்சக்கர வண்டிகள் மோதிய விபத்தில் இருவர் படுகாயமடைந்து மருத்துவமனையில் அனுமதிக்கபட்டுள்ளதாக தகவல் வெளியாகியுள்ளது.
இச்சம்பவம் இன்று (10) இரவு 7.30 மணியளவில் இடம்பெற்றுள்ளதாக தகவல் தெரியவந்துள்ளது.
எதிரே பயணித்த முச்சக்கர வண்டியை முந்திச் செல்ல முற்பட்ட போது இந்த விபத்து ஏற்பட்டதாக தெரிவித்துள்ளனர்.
இதன்போது முச்சக்கர வண்டிச் சாரதிகள் இருவரே படுகாயமடைந்து யாழ்.போதனா வைத்தியசாலையில் அனுமதிக்கப்பட்டு உள்ளனர்.
இச்சம்பவம் குறித்து மேலதிக விசாரணையை பொலிஸார் மேற்கொண்டு வருகின்றனர்.
