கொரோனா வைரஸ்…. இலங்கை தமிழர் இறந்துவிட்டதாக இணையத்தில் வைரலான வேடிக்கையான வதந்தி…..

கொரோனா வைரஸ் குறித்து பேஸ்புக்கில் கேள்வி எழுப்பிய இலங்கையை சேர்ந்த ஒரு தமிழ் இளைஞர், இறந்துவிட்டதாக இணையத்தில் வதந்தி பரவியுள்ளது.

இலங்கையின் கிழக்கு மாகாணத்தில் உள்ள சாய்ந்தமருது பகுதியில் வசிக்கும் மொஹமட் ருபினாஸ் என்கிற இளைஞர், சனிக்கிழமை இரவு 8 மணியளவில் பேஸ்புக்கில் ஒரு பதிவில் கருத்து தெரிவித்திருந்தார்.

அந்த இடுகையில், இலங்கையில் முதல் COVID-19 மரணம் தேசிய தொற்று நோய்கள் மருத்துவமனையில் (IDH) நடந்திருப்பதாக பதிவிடப்பட்டிருந்தது.

அதற்கு இடுகையின் கீழே, ருபினாஸ் தகவலின் மூலத்தைக் கேட்டிருந்தார். அதற்கு இடுகையிட்ட நபரான அதம்பாவா ஜலீல், ரூஃபினாஸைக் குறியிட்டு பதிலளித்தார், “இலங்கையின் 1 வது கோவிட் -19 மரணம் ஐ.டி.எச்., ஒரு நீரிழிவு நோயாளியின் மரணம் (65) மராவிலாவைச் சேர்ந்தவர். சிறுநீரக மாற்று அறுவை சிகிச்சையையும் மேற்கொண்டார் என பதிவிட்டிருந்தார்.

ஆனால் அதனை தவறாக புரிந்து கொண்ட ட்விட்டர்வாசிகள், ருபினாஸின் பெயருடன் அந்த பதிவை நகலெடுத்து இணையத்தில் பதிவிட ஆரம்பித்தனர். அடுத்தடுத்து வாட்ஸ் ஆப், பேஸ்புக் என கொரோனாவால் இலங்கையில் இறந்த முதல் நபரின் பெயர் ருபினாஸ் என பரவியுள்ளது.

இதற்கிடையில் ருபினாஸின் நண்பர், வாட்ஸ் ஆப்பில் அதே நகலை அனுப்பியுள்ளார். மிகவும் நவீனமான தனது பெயரை போன்று 1950களிலே ஒருவர் தனது பெயரை கொண்டிருந்தார் என்பதை நம்ப முடியாத ருபினாஸ், ஆர்வத்தில் இறந்த நபரை பற்றிய விவரங்களை கேட்டறிந்துள்ளார்.

அதனை பற்றி தீவிரமாக ஆராய்ந்த ருபினாஸ், இணையத்தில் பரவியது தன்னுடைய பெயர் என்பதை அறிந்து வேதனையடைந்துள்ளார்.

இதுஒருபுறமிருக்க இந்த செய்தி இணையத்தில் வைரலாகி, இணையதளவாசிகள் பலரும் இரங்கல் தெரிவிக்க ஆரம்பித்துள்ளனர்.

ஆனால் இதனை வேடிக்கையாக எடுத்துக்கொண்ட ருபினாஸ் பேஸ்புக்கிற்கு அழைத்துச் சென்று பிரபலமான தமிழ் திரைப்படங்களான தூல் மற்றும் ரன் போன்றவற்றின் படங்களை பயன்படுத்தி நகைச்சுவையாக கருத்துக்களை பதிவிட்டுள்ளார்.