கொரோனாவால் பாதிக்கப்பட்ட பல நாடுகள் தங்கள் ஊரடங்கை முழுவதுமாக அல்லது பகுதியளவு தளர்த்தி வருவதால், ஊரடங்கை தளர்த்துவது படிப்படியான செயல்முறையாக இருக்க வேண்டும் என்று உலக சுகாதார அமைப்பு மீண்டும் எச்சரிக்கை விடுத்துள்ளது.
ஐரோப்பியா நாடுகளான டென்மார்க், ஜேர்மனி ஊரடங்கை தளர்த்துவதை தொடங்கியுள்ளது. ஊரடங்கை தளர்த்த அமெரிக்காவின் பல மாகாணங்களில் மக்கள் போராட்டத்தில் ஈடுபட்டனர், போராட்டகாரர்களுக்கு ஜனாதிபதி டிரம்ப் ஆதரவு தெரிவித்தார்.
பிரேசில் நாட்டிலும் ஊரடங்கை முழுவதுமாக தளர்த்த அந்நாட்டு ஜனாதிபதி ஆதரவாளர்களுடன் போராட்டத்தில் ஈடுபட்டார்.
இவ்வாறான சூழ்நிலையில் ஊரடங்கை தளர்த்துவது படிப்படியான செயல்முறையாக இருக்க வேண்டும். முன்கூட்டிய தளர்வுகள் புதிய கொரோனா நோய்த்தொற்றுகள் அதிகரிக்க வழிவகுக்கும் என்று உலக சுகாதார அமைப்பு தெரிவித்துள்ளது.
குறைந்தபட்சம் தடுப்பூசி அல்லது மிகவும் பயனுள்ள சிகிச்சை கண்டறியும் வரை, ஊரடங்கு செயல்முறை புதிய இயல்பு நிலையாக மாற வேண்டும் என்று மேற்கு பசிபிக் பிராந்திய இயக்குனர் தகேஷி கசாய் கூறினார்,
மேலும், கொரோனாவுக்கு எதிராக ஊரடங்கு நடவடிக்கைகள் பயனுள்ளதாக நிரூபிக்கப்பட்டுள்ளன என குறிப்பிட்டுள்ளார்.
நடவடிக்கைகளை எளிதாக்குவது பற்றி நினைக்கும் எந்தவொரு அரசாங்கங்களும் நிலைமையை தொடர்ந்து கண்காணிக்கும் அதே வேளையில் அதை செய்ய திட்டமிட வேண்டும் என்றார்.
“தனிநபர்களும் சமூகமும் புதிய வழ்க்கை முறைக்கு தயாராக இருக்க வேண்டும் என்று அவர் கூறினார்.
ஜப்பான், சிங்கப்பூர் போன்ற நாடுகள் சமீபத்தில் கொரோனா வழக்குகள் அதிகரித்துள்ளன, இது கொரோனா வழக்குகளின் இரண்டாவது அலை குறித்த கவலையைத் தூண்டுகிறது என கூறியுள்ளார்.
