அமெரிக்காவில் குடியேற நினைப்பவர்களுக்கு தடை!

அமெரிக்க மக்களின் வேலைகளை காக்க, இனி நாட்டில் குடியேறுபவர்களுக்கு தடை விதிக்கும் மசோதாவில் கையெழுத்திட உள்ளதாக அமெரிக்க அதிபர் டொனால்ட் டிரமப் டிவிட்டர் வாயிலாக தெரிவித்துள்ளார்.

அமெரிக்க அதிபர் டொனால்ட் டிரம்ப் தனது டிவிட்டர் பக்கத்தில், “ இந்த தாக்குதல் கண்ணுக்கு தெரியாத எதிரிகள் மீது நிகழ்ந்தப்பட உள்ளது. நாம் அமெரிக்கர்களின் வேலைகளை காப்பாற்ற வேண்டியுள்ளது. எனவே அமெரிக்காவில் குடியேறுவதற்கு தற்காலிகமாக நிறுத்தி வைக்கும் ஆணையில் கையெழுத்திட உள்ளேன்” என்று குறிப்பிட்டுள்ளார்.

In light of the attack from the Invisible Enemy, as well as the need to protect the jobs of our GREAT American Citizens, I will be signing an Executive Order to temporarily suspend immigration into the United States!

— Donald J. Trump (@realDonaldTrump) April 21, 2020

அமெரிக்காவின் வெள்ளை மாளிகை ஊரடங்கை தளர்த்த முனைப்புகாட்டி வரும் சூழலில், இதுபோன்ற முடிவு எடுக்கப்பட்டுள்ளது.

ஆனால், அமெரிக்காவின் எல்லைகளான மெக்சிகோ, கனடா ஆகிய நாடுகளின் எல்லைகள் அவசர தேவைகளுக்கு மட்டும் திறக்க மே மாதம் நடுப்பகுதி வரை ஒத்துழைக்க உடன்பட்டுள்ளது.

மேலும் சீனா மற்றும் ஐரோப்பிய நாடுகளிலும் தற்காலிக விசா கட்டுப்பாடுகளை அமெரிக்க விதித்துள்ளது. அதன்படி அவசர தேவைகள், மற்றும் மாணவர்கள் மட்டும் பயணிக்க முடியும்.

அமெரிக்காவில் சில நிறுவனங்கள் தங்கள் வேலைகளை துவங்க அவசரம்காட்டி வருவதால், அதிபர் இதுபோன்ற முடிவை எடுத்திருப்பார் என்று நிபூணர்கள் தெரிவிக்கின்றன.

இதுவரை அமெரிக்காவில் 782,159பேர் கொரோனாவால் பாதிக்கப்பட்டுள்ளனர். 41,816 பேர் பலியாகியுள்ளனர்.