இலங்கையில் கோரோனா தொற்றால் பாதிக்கப்பட்ட மேலும் 10 பேர் நேற்று பின்னிரவுவரை அடையாளம் காணப்பட்டுள்ளதாக சுகாதார அமைச்சின் தொற்று நோயியல் பிரிவு அறிவித்துள்ளது.
இதன்படி இலங்கையில் கோரோனா வைரஸ் தொற்றால் பாதிக்கப்பட்டோரின் எண்ணிக்கை 935ஆக அதிகரித்துள்ளது.
நேற்று அடையாளம் காணப்பட்ட 10 பேரில் 9 பேர் கடற்படையினர் என கூறப்படுகின்றது.
இதேவேளை வைரஸால் பாதிக்கப்பட்ட 477 பேர் இதுவரை முழுமையாகக் குணமடைந்து வீடு திரும்பியுள்ளதுடன் 9 பேர் உயிரிழந்துள்ளனர்.
மேலும் 449 பேர் வைத்தியசாலைகளில் சிகிச்சை பெற்று வருகின்றனர்.
