வேகக்கட்டுப்பட்டை இழந்து வீதியைவிட்டு விலகிய வாகனம் ஒன்று விபத்துக்குள்ளாகியதில் இருவர் உயிரிழந்துள்ளதுடன் நால்வர் படுகாயமடைந்துள்ளதாக பொலிஸார் தெரிவித்துள்ளனர்.
இச்சம்பவம் எல்ல, வெல்லவாய வீதியின் இராவண எல்லை பகுதியில் இன்று ஏற்பட்டுள்ளது. சம்பவம் தொடர்பில் தெரியவருகையில்,
மொனராகல – வெல்லவாய வீதியில் பயணித்துக் கொண்டிருந்த வான் திடீரென வேகக் கட்டுப்பாட்டை இழந்து குறித்த வீதியை விட்டு விலகி விபத்துக்கு உள்ளாகியுள்ளது.
குறித்த விபத்தில் சிக்கிய அனைவரும் ஆண்கள் எனவும் பொலிஸார் தெரிவித்துள்ளனர்.
விபத்து குறித்து வழக்கு பதிவு செய்துள்ள பொலிஸார் மேலதிக விசாரணைகளை முன்னெடுத்துள்ளனர்.
