மன்னார் – பரப்புக்கடந்தான் காட்டுப்பகுதியிலிருந்து குடும்பஸ்தர் ஒருவர் நேற்று மாலை சடலமாக மீட்கப்பட்டுள்ளதாக பொலிஸார் தெரிவித்துள்ளனர்.
இவ்வாறு சடலமாக மீட்கப்பட்டவர் மன்னார், உயிர்த்தராசன்குளம் பகுதியைச் சேர்ந்த மரிசால் அல்பேர்ட் என அடையாளம் காணப்பட்டுள்ளார்.
குறித்த நபர் நேற்றுக்காலை தனது வயற்காணிகளை பார்வையிடுவதற்காக சென்றிருந்த நிலையிலே மாலையில் சடலமாக மீட்கப்பட்டுள்ளார்.
உயிரிழந்தவரின் சடலம் மன்னார் மாவட்ட வைத்தியசாலையில் வைக்கப்பட்டுள்ளதுடன், சம்பவம் தொடர்பிலான மேலதிக விசாரணைகளை பொலிஸார் முன்னெடுத்து வருகின்றனர்.
