திருகோணமலை தலைமையக பொலிஸ் பிரிவுக்குட்பட்ட பகுதியில் கேரளா கஞ்சாவுடன் பெண்ணொருவர் நேற்றிரவு கைது செய்யப்பட்டுள்ளதாக திருகோணமலை தலைமையக பொலிஸார் தெரிவித்துள்ளனர்.
கிளிநொச்சி பகுதியைச் சேர்ந்த 36 வயதுடைய பெண்ணொருவரே திருகோணமலை பேருந்து நிலையத்தில் வைத்து ஐந்நூறு கிராம் கேரளா கஞ்சாவுடன் கைது செய்யப்பட்டுள்ளார்.
குறித்த பெண் யாழ்ப்பாண பேருந்தில் திருகோணமலைக்குச் சென்று திருகோணமலை பேருந்து நிலையத்தில் கேரளா கஞ்சாவை மற்றொருவருக்கு கைமாற்றுவதற்காக வைத்திருந்த நிலையில் திருகோணமலை தலைமையக போதைப்பொருள் குற்றத்தடுப்பு பொலிஸாருக்கு கிடைத்த தகவலின் அடிப்படையில் கஞ்சாவுடன் கைது செய்யப்பட்டுள்ளார்.
சந்தேகநபரான பெண்ணை தடுத்து வைத்து விசாரணைகளை மேற்கொண்டு வருவதோடு திருகோணமலை நீதிமன்றில் ஆஜர்படுத்த உள்ளதாகவும் பொலிஸார் தெரிவித்துள்ளனர்.
