யாழ்ப்பாணம் மானிப்பாயைச் சேர்ந்த தனு ரொக் மீது வாள்வெட்டுத் தாக்குதல் நடத்தப்பட்டுள்ளதாக பொலிஸார் தெரிவித்தனர்.
பெருமாள் கோவிலுக்கு முன்பாக மணிக்கூட்டு வீதியில் இன்று (சனிக்கிழமை) நண்பகல் இந்த வாள்வெட்டுச் சம்பவம் இடம்பெற்றுள்ளது.
அத்தோடு வன்முறைக் கும்பலின் அடாவடியால் அந்த இடத்தில் விபத்து இடம்பெற்றதாகவும் பொலிஸார் தெரிவித்தனர்.
சம்பவத்தில் காயமடைந்த தனுரொக் யாழ்ப்பாணம் போதனா வைத்தியசாலையில் சேர்க்கப்பட்டுள்ளதுடன் சம்பவம் தொடர்பில் யாழ். பொலிஸார் மேலதிக விசாரணைகளை முன்னெடுத்து வருகின்றனர்.
தனு ரொக் என்பவன் ஆவா குழுவில் இருந்து பிரிந்து அவர்களுடன் மோதிவந்தவன் என்றும் தற்போது ஆவா குழுக் காவாலிகளைத் தவிர ஏனைய காவாலிகள் மீது வாள் வெட்டுத்தாக்குதல் நடாத்தப்படுவது பெரும் சந்தேகத்தை ஏற்படுத்தியிருப்பதாகவும் பொதுமக்கள் கருத்துத் தெரிவித்துள்ளனர். ஆவா குழு படையுடனருடன் சேர்ந்து இயங்குவதாகம் முன்னைய காலப்பகுதியில் மக்கள் சந்தேகம் தெரிவித்துள்ளதும் குறிப்பிடத்தக்கது.
