கட்டுநாயக்க- கொழும்பு அதிவேகப்பாதையில் பயணிக்கும் வாகனங்கள் செல்ல முடியாதவாறு வாகன நெரிசல் ஏற்பட்டுள்ளதாக சாரதிகள் தெரிவித்துள்ளனர் .
கட்டுநாயக்க விமான நிலையத்திலிருந்து கொழும்பு செல்லும் அதிவேக நெடுஞ்சாலையில் பேலியகொட பகுதியில் அமைந்துள்ள சுங்கச்சாவடியிலேயே இவ்வாறு வாகன நெரிசல் ஏற்பட்டுள்ளதாகவும், வாகனங்கள் நீண்ட வரிசையில் காத்திருந்த பின்னரே செல்லவேண்டிய நிலை ஏற்பட்டுள்ளதாகவும் தெரிவிக்கப்படுகிறது. .
அதிவேக நெடுஞ்சாலையில் வாகனங்கள் வேகமாக தமது பயணத்தை மேற்கொள்வதற்கு கட்டணம் செலுத்தி செல்கின்றனர். தமது அத்தியாவசியமான அவசியமானதுமான வேலைகளை மேற்கொள்வதற்கும் நேரத்தை சேமிப்பதற்கும் இவ்வாறு கொழும்பில் பல பகுதிகளில் அதிவேக நெடுஞ்சாலைகள் அமைக்கப்பட்டு சாரதிகள் பொதுமக்கள் இலகுவில் செல்வதற்கு வழியேற்படுத்தப்பட்டுள்ள போதிலும் வாகன நெரிசலுக்கு உட்பட வேண்டிய நிலை ஏற்பட்டுள்ளது
எனவே இதில் காணப்படும் குறைகளை நிவர்த்தி செய்து சென்று வருவதற்குரிய இலகு நடவடிக்கையினை அதிகாரிகள் மேற்கொள்ளுமாறும் பயணிகள் சாரதிகள் மேலும் தெரிவித்துள்ளனர் .
