விஜயகாந்த் உடல்நிலை சீராக உள்ளதாகவும், கொரோனாவிற்கான அறிகுறி எதுவும் இல்லை என மருத்துவமனை அறிக்கை வெளியிட்டுள்ளது.
கடந்த 22-ஆம் திகதி தேமுதிக தலைவர் விஜயகாந்திற்கு கொரோனா இருப்பது உறுதி செய்யப்பட்டது. இருப்பினும் லேசான அறிகுறிகள் மட்டுமே, அவர் விரைவில் வீடு திரும்புவார் என்று அறிவிக்கப்பட்டது.
இதைத் தொடர்ந்து நேற்று அவரது மனைவி பிரேமலதாவுக்கும் கொரோனா இருப்பது உறுதி செய்யப்பட்டது. இருவருமே சென்னையில் இருக்கும் தனியார் மருத்துவமனையில் அனுமதிக்கப்பட்டு சிகிச்சை பெற்று வருகின்றனர்.
இந்நிலையில், மருத்துவமனை வெளியிட்டுள்ள அறிக்கையில், விஜயகாந்த் உடல்நிலை சீராக இருப்பதாகவும், அவருக்கு கொரோனாவின் தொற்று நோய்க்கான எந்த ஒரு அறிகுறியும் இல்லை என்று தெரிவிக்கப்பட்டுள்ளது.
