இரண்டு வைத்தியர்கள், தாதிக்கு கொரோனா!

களுபோவில போதனா வைத்தியசாலையின் 15 பி வார்டில் கடமையாற்றிய இரண்டு மருத்துவர்கள் மற்றும் ஒரு தாதி கொரோனா தொற்றிற்கு உள்ளாகியுள்ளனர்

சிறுவர் வார்ட்டில் கடமையாற்றியவர்களே இவ்வாறு கொரோனா தொற்றுக்கு உள்ளாகி உள்ளனர்.

குறித்த வார்ட்டில் சிகிச்சை பெற்று வந்த குழந்தை ஒன்றும் அவருடைய தாயும் கொரோனா தொற்றுக்குள்ளானதை அடுத்து மேற்கொள்ளப்பட்ட பிசிஆர் பரிசோதனைகளின் அடிப்படையிலேயே குறித்த மூவரும் கொரோனா தொற்றுக்கு உள்ளாகி உள்ளமை இனங்காணப்பட்டுள்ளது.

இருப்பினும் இதனால் வைத்தியசாலையின் நடவடிக்கைகளுக்கு எவ்வித பாதிப்பும் இல்லை என தெரிவிக்கப்படுகின்றது.

.மேலும், கொழும்பு குற்றப் பிரிவின் இரண்டு அதிகாரிகள், முகத்துவாரம் மற்றும் தெமட்டகொட காவல் நிலையங்களைச் சேர்ந்த இரண்டு அதிகாரிகள், கொழும்பு துறைமுக காவல்துறை, மாளிகாவத்தை, மரதானை மற்றும் கிராண்ட்பாஸ் காவல் நிலையங்களைச் சேர்ந்த தலா ஒரு அதிகாரி ஆகியோர் தொற்றுடன் அடையாளம் காணப்பட்டனர்.

அவர்களின் நெருங்கிய கூட்டாளிகள் அனைவரும் தனிமைப்படுத்தப்பட்ட மையங்களுக்கு அனுப்பப்பட்டுள்ளனர்.