சுகாதார பிரிவினரால் மேற்கொண்டுள்ள தீர்மானத்திற்கு அமைய ரயில் போக்குவரத்து தொடர்பில் குறித்த ரயில்வே திணைக்களத்தினால் அறிக்கை ஒன்றை வௌியிடப்பட்டுள்ளது.
அதன்படி, இன்று (11) இரவு 10.00 மணி முதல் எதிர்வரும் 15 ஆம் திகதி வரை ரயில்களில் மேல் மாகாணத்திற்குள் பிரவேசிப்பதற்கு அனுமதி வழங்கப்பட்டுள்ள போதும், மேல் மாகாணத்தில் இருந்து வௌியேற அனுமதி வழங்கப்படவில்லை என அந்த திணைக்களம் குறிப்பிட்டுள்ளது.
அதன்படி, கீழ் காணும் வகையில் ரயில் போக்குவரத்து இடம்பெறும் என ரயில்வே திணைக்களத்தினால் ரயில் பயணிகளுக்கு அறிவிக்கப்பட்டுள்ளது.
பெலியத்த, கண்டி, மஹவ, புத்தளம், அவிசாவளை ஆகிய ரயில் நிலையங்களில் இருந்து புறப்படும் ரயில்கள் மற்றும் குறித்த வீதிகளில் பயணிக்கும் ஏனைய ரயில்கள் 2020.11.12 தினம் முற்பகல் கொழும்பு கோட்டை ரயில் நிலையத்தை அடைய அனுமதி உள்ளது.
பிற்பகல் ரயில்களில் பயணிக்கும் பயணிகளுக்கு மேல் மாகாணத்தினுள் அமைந்துள்ள இறுதி ரயில் நிலையமான அழுத்கம, அம்பேபுஸ்ஸ, கொச்சிகடே, அவிசாவளை வரை கொழும்பில் இருந்து பயணிக்கு அனுமதி உள்ளதாக ரயில்வே திணைக்களம் அறிவித்துள்ளது.
