தமிழ்நாட்டின் காரைக்கால் பகுதியிலிருந்து மீன்பிடிக்கச் சென்ற மீனவர்களுள் 32பேர் காணாமல் போயுள்ளதாக தெரிவிக்கப்படுகிறது.
இதுகுறித்து காரைக்கால் மாவட்ட மீன்வளம் மற்றும் மீனவர் நலத்துறை துணை இயக்குநர் ஆர்.கவியரசன் நேற்றையதினம் விடுத்துள்ள அறிக்கையில்,
மீன் பிடிக்கச் சென்ற காரைக்கால் மாவட்டத்தைச் சேர்ந்த 192 மீன்பிடி விசை படகுகளில் 102 படகுகள் பாதுகாப்பாக காரைக்கால் மீன்பிடி துறைமுகத்தை வந்தடைந்துள்ளன.
67 மீன்பிடி படகுகள் பாதுகாப்பான இடங்களுக்கு சென்றடைந்துள்ளன. ஆனால் 23 மீன்பிடி படகுகள் மட்டுமே கரை திரும்ப வேண்டியிருந்தது.
அதில் 7 படகுகள் ஆங்காங்கே கரை திரும்பிய நிலையில் மீதமுள்ள 16 படகுகளில் 14 படகுகள் காரைக்கால் துறைமுகத்தை நோக்கி வந்து கொண்டிருக்கின்றன.
எஞ்சிய 2 படகுகளில் சென்ற 32 மீனவர்களை தொடர்புகொள்ள முடியவில்லை. இதனால் கதி என்ன என்று தெரியவில்லை என்று தெரிவிக்கப்பட்டுள்ளது.
