கோலிவுட் திரையுலகில் முன்னணி இசையமைப்பாளராக வலம் வருபவர் இசையமைப்பாளர் டி.இமான். இவர் தற்பொழுது ரஜினி நடிக்கின்ற அண்ணாத்த படத்திற்கு இசையமைத்து வருகின்றார்.
இசையமைப்பாளர் டி.இமான் இசையில் தனித்தன்மையுடன் திகழும் இமான் தற்பொழுது சினிமா துறையில் தயாரிப்பாளராக தன்னுடைய புதிய பயணத்தை துவங்கியுள்ளார். “DI Productions” என்ற பெயரில் தற்போது இமான் தயாரிப்பு நிறுவனத்தை தொடங்கி இருக்கின்றார்.
இந்த “DI Productions” நிறுவனத்தின் முதல் தயாரிப்பாக “தேங்க் யூ ஜீஸஸ்” ( Thank You Jesus ) என்ற கிறித்தவ ஆன்மீக ஆல்பம் உருவாகின்றது. இந்த பாடல் முழுக்க இயேசு கிறிஸ்துவை போற்றும்படியாக ஆங்கில மொழியில், ஆன்மீக அன்பர்கள் எழுதி, பாடுகின்ற இந்த தொகுப்பில் 8 பாடல்கள் அடங்கியுள்ளது.
இசையமைப்பாளர் டி. இமானின் இந்த “DI Productions” நிறுவனத்திற்கு திரைத்துறையை சேர்ந்த பலரும், ரசிகர்களும் தங்களது வாழ்த்துக்களை தெரிவித்து வருகின்றனர்.
