புதிய கொவிட் பயணத் தடைகளை எதிர்கொள்கிற விமான நிலையங்களுக்கான நிதி உதவித் திட்டம் இந்த மாதத்தில் வழங்கப்படும் என இங்கிலாந்து அரசாங்கம் அறிவித்துள்ளது.
இந்த திங்கட்கிழமை முதல் அனைத்து பயண எல்லைகளையும் மூடவுள்ள நிலையில் குறித்த நடவடிக்கை எடுக்கப்படும் என விமான சேவைகள் அமைச்சர் றொபேர்ட் கோர்ட்ஸ் தெரிவித்துள்ளார்.
மேலும் இந்த நிதியாண்டு இறுதிக்குள் மானியங்களை வழங்குவதே அரசாங்கத்தின் நோக்கம் என்றும் அவர் குறிப்பிட்டுள்ளார்.
சில நாடுகளிலிருந்து வருகையை தனிமைப்படுத்தலைத் தவிர்ப்பதற்கு நடைமுறை போன்ற புதிய விதிகள் எதிர்வரும் திங்கட்கிழமை முதல் நடைமுறைக்கு வருகின்றது.
அந்த நேரத்திற்குப் பிறகு இங்கிலாந்துக்கு வருபவர்கள் அனைவரும் 10 நாட்கள் வரை தனிமைப்படுத்த வேண்டியிருக்கும், இருப்பினும் தனிமைப்படுத்தப்பட்ட காலத்தை ஐந்து நாட்களுக்குப் பிறகு தொற்று இல்லை என்று உறுதியானால் குறைக்க முடியும்.
இதேவேளை பயணத்திற்கு முன்னர் 72 மணி நேரத்தில் எடுக்கப்பட்ட எதிர்மறை சோதனைக்கான ஆதாரத்தையும் மக்கள் காட்ட வேண்டும் என்றும் அறிவிக்கப்பட்டுள்ளது.
பிரேசிலில் அடையாளம் காணப்பட்ட புதிய வகை கொரோனா தொற்று காரணமாக கடந்த வெள்ளிக்கிழமை தென் அமெரிக்க மற்றும் போர்த்துக்கல் ஆகிய நாடுகள் பிரேஸில் பயணிகளுக்கு தடை விதித்தன.
இந்த நிலையிலேயே இங்கிலாந்திலும் குறித்த தீர்மானம் முன்னெடுக்கப்பட்டதாக பிரதமர் பொரிஸ் ஜோன்சன் நேற்று அறிவித்திருந்தமை குறிப்பிடத்தக்கது.
