புதிய சியோமி பிளாக்ஷிப் ஸ்மார்ட்போன் இந்திய விலை குறித்த புது தகவல் இணையத்தில் தற்போது வெளியாகி உள்ளது.
தற்போது வெளியாகி இருக்கும் தகவல்களின் படி இந்தியாவில் எம்ஐ 11 அல்ட்ரா ஸ்மார்ட்போன் துவக்க விலை ரூ. 70 ஆயிரம் என தெரிவிக்கப்பட்டுள்ளது.
ஏனெனில் இந்த ஸ்மார்ட்போன் சீனாவில் இருந்து இறக்குமதி செய்யப்படுவதால், இந்த விலை நிர்ணயம் செய்யப்படலாம் என கூறப்படுகிறது.
இந்த ஸ்மார்ட்போனில் குவால்காம் ஸ்னாப்டிராகன் 888 பிராசஸர், அதிகபட்சம் 12 ஜிபி ரேம், வளைந்த 120 ஹெர்ட்ஸ் QHD+ டிஸ்ப்ளே, மூன்று பிரைமரி கேமரா சென்சார், பின்புறம் இரண்டாவது டிஸ்ப்ளே போன்ற அம்சங்கள் உள்ளது.
இது சீன சந்தையில் எம்ஐ 11 அல்ட்ரா மூன்று வேரியண்ட்களில் விற்பனை செய்யப்படுகிறது. ஐரோப்பாவில் 12 ஜிபி + 256 ஜிபி மாடல் மட்டுமே விற்பனை செய்யப்படுகிறது.
மேலும் இந்த புதிய எம்ஐ 11 ஸ்மார்ட்போன் சியோமி விற்பனை செய்ததில் விலை உயர்ந்த மாடலாக இருக்கும் என கூறப்படுகிறது.
