ஆம்புலன்ஸிலிருந்து நடுரோட்டில் திடீரென்று விழுந்த சடலம்: அலறி அடித்து ஓடிய மக்கள்….

இந்தியாவில் சடலங்களை ஏற்றிச் சென்ற ஆம்புலன்சில் இருந்து, திடீரென்று ஒரு சடலம் கீழே விழுந்ததால், இதைக் கண்ட அங்கிருந்தவர்கள் கடும் அதிர்ச்சியடைந்தனர்.

உலகின் பல்வேறு நாடுகளில் கொரோனாவின் மூன்றாவது அலை தீவிரமாக பரவி வருகிறது. ஆனால், இந்தியாவில் கொரோனாவின் 2-வது அலை இப்போது பரவி வருகிறது.

இரண்டாவது கொரோனா அலையை தாங்கமுடியாமல், நாட்டில் ஏராளமானோர் பாதிக்கப்பட்டு வருகின்றனர். உயிரிழப்புகள் அதிகம் ஏற்பட்டு வருகிறது. மக்களின் உயிரைக் காப்பாற்ற ஆக்சிஜன் இல்லை, தொற்றை தடுத்துக் கொள்ள தடுப்பூசிகள் இல்லை என மோசமானநிலையில் இந்தியா உள்ளதாக கூறப்படுகிறது.

குறிப்பாக வடமாநிலங்களில் கொரோனா ருத்ரதாண்டவம் ஆடி வருகிறது. மத்திய பிரதேச மாநிலம் விடிசா என்ற பகுதியில் கொரோனா தொற்றால் பலர் பலியாகி உள்ளனர்.

Shocking! In Vidisha people are alleging that dead bodies are not being handed over to them, an ambulance is taking away a deadbody people noticed after the dead body fell from the ambulance as the driver panicked! @ndtv @ndtvindia @manishndtv @GargiRawat pic.twitter.com/RGVkcM0bAt

— Anurag Dwary (@Anurag_Dwary) April 23, 2021

இந்த சடலங்களை உறவினர்களிடமும் தர முடியாது என்பதால், மருத்துவமனை நிர்வாகமே இவர்களை எரிப்பதற்காக சுடுகாட்டுக்கு எடுத்து செல்ல முனைகிறது.

அந்த வகையில், குறித்த மருத்துவமனையில் இருக்கும் சடலங்களை எடுத்துக் கொண்டு, ஆம்புலன்ஸ் ஒன்று வெளியே வருகிறது.

அப்போது திடீரென்று அந்த ஆம்புலன்சின், பக்கவாட்டு கதவு டமார் என திறக்க, சடலம் ஒன்று நடுரோட்டில் விழுகிறது. இதைக் கண்ட அங்கிருந்தவர்கள் அலறி அடித்து ஓடுகின்றனர். அதன் பின், அந்த ஆம்புலன்ஸ் நிறுத்தப்பட்டு, அதில் இருந்து டிரைவர் இறங்கி வந்து, அந்த சடலத்தை எடுத்து மறுபடியும் ஆம்புலன்ஸில் தூக்கி போட்டுக் செல்கிறார்.