பிரபல நடிகை கவிதாவின் மகன் கொரோனாவால் உயிரிழந்த நிலையில் அவர் கணவருக்கு தீவிர சிகிச்சையளிக்கப்பட்டு வருகிறது.
தமிழில் பாண்டவர் பூமி, இரட்டை ஜோஜா, கும்மாளம், மேட்டுகுடி, ரட்சகன், ராசி போன்ற ஏராளமான திரைப்படங்களில் நடித்துள்ளவர் கவிதா.
இவர் நந்தினி, என்றென்றும் புன்னகை சீரியல்களிலும் நடித்துள்ளார். இந்த நிலையில் கவிதாவின் கணவர் தசரத ராஜ் மற்றும் மகன் சாய் ரூப் இருவரும் கொரோனாவால் பாதிக்கப்பட்டு சிகிச்சை பெற்று வந்தனர்.
இதில் இவரது மகனின் சாய் ரூப்பின் உடல்நிலை மோசமடைந்த நிலையில் நேற்று மரணமடைந்தார்.
மேலும் கவிதாவின் கணவர் தசரத ராஜ் உயிருக்கு போராடும் நிலையில் தீவிர சிகிச்சை அளிக்கப்பட்டு வருகிறது.
இதை தொடர்ந்து திரையுலகினர் மற்றும் ரசிகர்கள் கவிதாவுக்கு ஆறுதல் தெரிவித்து வருகின்றனர்.
