குப்பையில் தூக்கி வீசும் இந்த பொருளை வெறும் வயிற்றில் சாப்பிடுங்கள்; நோய்கள் நெருங்கவே நெருங்காது!

பொதுவாகவே பழங்களை சாப்பிட்டு விட்டு அதன் கொட்டைகளை தூக்கி குப்பையில் வீசி விடுவோம். அவ்வாறு நாம் வீசும் சில வகை பழங்களின் கொட்டையில் பல ஆரோக்கிய நன்மைகள் உள்ளன.

சூரியகாந்தி

இந்த விதைகளில் ஒமேகா 6 கொழுப்புகள் அதிகமாக உள்ளன. அது மட்டும் அல்ல, கால்சியம், இரும்பு, மங்கனீஸ், ஜின்க் போன்ற மினரல்களும், ட்ரிப்டோபான் என்ற அமினோ அமிலம் போன்ற அதிகமாக உள்ளன. சூரிய காந்தி விதையில் நிறைய எண்ணெய்த் தன்மை இருக்கும். அதனால் நிறைய பேருக்கு இதை சாப்பிடப் பிடிக்காது. அப்படி இதன் சுவை பிடிக்காதவர்கள் வெறும் வாணலியில் லேசாக இதை வறுத்து பொடி செய்து எடுத்து வைத்துக் கொண்டு காலையில் அந்த பொடியை வெறும் வயிற்றில் சாப்பிடுங்கள்.

தர்பூசணி

தர்பூசணி பழத்தை சாப்பிட்டு விட்டு பெரும்பாலும் அதன் விதைகளை நாம் குப்பையில் தான் வீசுகிறோம். நாம் வீசும் அந்த விதையில் பி காம்ப்ளெக்ஸ் வைட்டமின் மிகவும் அதிகமாக உள்ளன. மேலும் மினரல்கள் மெக்னீசியம், பாஸ்பரஸ், ஜின்க், இரும்பு, பொட்டசியம் மற்றும் காப்பர் அதிக அளவில் உள்ளன. ஆகவே இந்த விதைகளைத் தூக்கி எறியாமல், அதனை முளைக்கவைத்து, காய வைத்து, பயன்படுத்தலாம்.

பூசணி

இதன் விதைகளை 5-10 நிமிடங்கள் தண்ணீரில் கொதிக்க வைக்கவும். கொதித்த பின், தண்ணீரை வடிகட்டி, சிறிதளவு எண்ணெய் விட்டு அதனை வறுத்துக் கொள்ளவும். பிறகு உப்பு சேர்த்து காய வைக்கவும். இவற்றில் ஒமேகா 6 கொழுப்பும், ஒற்றை புரிதக் கொழுப்பு அமிலங்களும் உள்ளன. மேலும் இவற்றில் வைட்டமின் ஈ, வைட்டமின் பி காம்ப்ளெக்ஸ் மற்றும் மங்கனீஸ், காப்பர், பொட்டசியம், கால்சியம், இரும்பு, மெக்னீசியம், ஜின்க், செலினியம் போன்ற எண்ணற்ற மினரல்கள் இந்த விதையில் அடங்கி உள்ளன. அத்துடன் ஆண்மை விருத்தியை மேம்படுத்தவும் உடலுக்கு அதிக வலிமையைக் கொடுக்கவும் கூட இந்த விதைகள் பயன்படுகின்றன.

பப்பாளி

பப்பாளி விதையில் கால்சியம், மெக்னீசியம், மற்றும் பாஸ்பரஸ் போன்றவை அதிகமாக உள்ளன. இவை ஒரு திடமான கிருமிநாசினியாக உள்ளன. மேலும் செரிமான மண்டலத்தில் வீக்கத்தைக் குறைக்கும் தன்மையும் இவற்றிற்கு உண்டு. இந்த விதைகள் சிறிதளவு கசப்பு தன்மைக் கொண்டது. ஆகையால் பப்பாளி விதிகளை முழுவதுமாக அப்படியே உண்ணலாம் அல்லது சிறிதளவு தேன் சேர்த்தும் உண்ணலாம். பப்பாளியில் வைட்டமின் ஏவும் அதிக அளவில் இருக்கிறது. பப்பாளி பொதுவாக எல்லா சீசன்களிலும் கிடைக்கக்கூடிய பழம் தான். சிலர் பப்பாளி உடலுக்கு சூடு என்று சொல்வார்கள். ஆனால் அதன் விதை உடலுக்குக் குளிர்ச்சியைத் தரக்கூடியது.

எனவே இனி இந்த விதைகளை தூக்கி வீசாமல் உலர்த்தி வைத்து தினமும் காலையில் 4 விதைகள் வீதமாக வெறும் வயிற்றில் சாப்பிட்டு வாருங்கள். மருத்துவமனைக்குப் போக வேண்டிய வேலையே இருக்காது.