சட்டவிரோதமாக சீசெல்ஸ் நாட்டின் கடற்பரப்பிற்குள் பிரவேசித்த 12 இலங்கை மீனவர்கள் கைது செய்யப்பட்டுள்ளனர்.
சீசெல்ஸ் நாட்டின் விமானப் படையினர் மற்றும் கரையோர காவற்படையினர் இணைந்து மேற்கொண்ட விசேட பாதுகாப்பு நடவடிக்கையின் போதே இவர்கள் கைது செய்யப்பட்டுள்ளனர்.
இந்த மீனவர்கள் இரண்டு படகுகளில் சென்று சீசெல்ஸ் கடல் எல்லைக்குள் மீன்பிடியில் ஈடுபட்டதாக தெரியவருகிறது.
கைது செய்யப்பட்டுள்ள மீனவர்கள் மற்றும் அவர்களின் படகு என்பவற்றை தடுத்து வைக்கப்பட்டுள்ளதுடன் இது தொடர்பில் விசாரணை நடத்தி வருவதாக சீசெல்ஸ் பொலிஸார் தெரிவித்துள்ளனர்.
