கடந்த பெப்ரவரி மாதம் நடத்தப்பட்ட பி.சி.ஆர் சோதனைகளின் எண்ணிக்கையுடன் ஒப்பிடும்போது பி.சி.ஆர் சோதனைகளின் எண்ணிக்கை 50 சதவீதம் குறைந்துள்ளன. பி.சி.ஆர் சோதனைகளை நடத்துவதை அரசாங்கம் வேண்டுமென்றே குறைந்துள்ளதாகத் தேசிய தொழிற்சங்க முன்னணி தலைவர் சமன் ரத்னபிரியா குற்றம் சுமத்தியுள்ளார்.
பி.சி.ஆர் சோதனைகளின் எண்ணிக்கை குறைந்து வருவதன் காரணமாகவே, இந்த நாட்களில் நோயாளிகளின் எண்ணிக்கை குறைந்துள்ளதாக அவர் செய்தியாளர் சந்திப்பு ஒன்றின் போது தெரிவித்துள்ளார்.
தற்போது கோவிட் நோயாளிகளின் எண்ணிக்கையை வேண்டுமென்றே குறைப்பது திருப்திகரமான சூழ்நிலை அல்ல என்று சுட்டிக்காட்டிய அவர், மேலும் கோவிட் நோயாளிகள் கண்டறியப்படாமல் சமூகத்தில் இருக்கக்கூடும் என்றும் கூறியுள்ளார்.
இந்த ஆண்டு பெப்ரவரியில் சுமார் 23,000 பி.சி.ஆர் சோதனைகள் நடத்தப்பட்டன. இதன்போது சுமார் 3,000 முதல் 3,500 நோயாளிகள் கண்டறியப்பட்டனர். தற்போது பி.சி.ஆர் சோதனைகளின் எண்ணிக்கை பாதியாகக் குறைந்துள்ளது.
ஜூலை 19 அன்று 12,039 பி.சி.ஆர் சோதனைகள் மட்டுமே நடத்தப்பட்டன, ஜூலை 20 அன்று 10,436, ஜூலை 21 அன்று 12,218 மற்றும் ஜூலை 22 அன்று 11,302. பி.சி.ஆர் சோதனைகள் மேற்கொள்ளப்பட்டன. பி.சி.ஆரின் எண்ணிக்கை குறைந்துவிட்டதால், நோயாளிகளின் எண்ணிக்கையும் குறைந்துள்ளது.
இது மகிழ்ச்சியடைய வேண்டிய ஒன்றல்ல, என்று அவர் கூறினார், மேலும் கண்டறியப்பட்ட நோயாளிகளின் குடும்ப உறுப்பினர்களும் இந்த நேரத்தில் பி.சி.ஆர் சோதனைகளுக்கு உட்படுத்தப்படுவதில்லை என்றும் அவர் தெரிவித்துள்ளார்.
