பெண்களுக்கு மெனோபாஸ் காலங்களில் உண்டாகும் கால்சியம், பாஸ்பரஸ் இழப்பை முட்டைகோஸ் ஈடுசெய்யும். நாள்பட்ட மலச்சிக்கலைப் போக்கும். இரத்தத்தை சுத்தப்படுத்தும்.
தேவையான பொருட்கள் :
பச்சை கோஸ், சிவப்பு கோஸ் – தலா 100 கிராம்
வெங்காயம் – ஒன்று
தயிர் – ஒரு கப்
தேன் – அரை டீஸ்பூன்
எலுமிச்சைச் சாறு – ஒரு டீஸ்பூன்
கடுகு பேஸ்ட் அல்லது கடுகுப்பொடி – ஒரு டீஸ்பூன்
மிளகுத்தூள் – ஒரு டீஸ்பூன்
உப்பு – தேவைக்கேற்ப
செய்முறை:
பச்சை கோஸ், சிவப்பு கோஸ், வெங்காயம் ஆகிய காய்கறிகளை நன்றாகக் கழுவி துடைத்து, நீள நீளமாக மெல்லிய குச்சியைப் போல நறுக்கவும்.
கடுகு பேஸ்ட் கடைகளில் ரெடிமேடாக கிடைக்கிறது. கிடைக்காவிட்டால் ஒரு டீஸ்பூன் கடுகை மிக்ஸியில் பொடி செய்துகொள்ளவும்.
தயிரை ஒரு வெள்ளைத் துணியில் கட்டி 2 அல்லது 3 மணி நேரம் தொங்கவிட்டு தண்ணீரை வடியவிடவும்.
வடிகட்டிய தயிருடன் தேன், உப்பு, கடுகு பேஸ்ட் (அ) பொடி, மிளகுத்தூள், எலுமிச்சைச் சாறு ஆகிவற்றைச் சேர்த்து நன்றாகக் கலந்தால் டிரெஸ்ஸிங் தயார்.
நறுக்கிய காய்கறிகளை ஒரு பெரிய பவுலில் போடவும். இதனுடன் டிரெஸ்ஸிங்கை சேர்த்து நன்றாகக் கலந்து பரிமாறவும்.
சூப்பரான முட்டைகோஸ் தயிர் சாலட் ரெடி.
