நாட்டின் சில மாகாணங்களில் இன்று மழை அல்லது இடியுடன் கூடிய மழை பெய்யும் என வளிமண்டலவியல் திணைக்களம் எதிர்வு கூறியுள்ளது.
மேல், சப்ரகமுவ மற்றும் மத்திய மாகாணங்களிலும், காலி, மாத்தறை மாவட்டங்களிலும் மாலை அல்லது இரவில் ஓரளவு பலத்த மழை பெய்யும் என எதிர்வு கூறப்பட்டுள்ளது.
சில பகுதிகளில் 50 மில்லி மீற்றர் வரையில் மழை பெய்யும் என தெரிவிக்கப்பட்டுள்ளது.
கிழக்கு, ஊவா மாகாணங்களிலும், ஹம்பாந்தோட்டை மாவட்டத்திலும் காலை வேளையில் சில இடங்களில் மழை பெய்யும் என எதிர்வு கூறப்பட்டுள்ளது.
மத்திய, சப்ரகமுவ, ஊவா மாகாணங்களில் காலை வேளையில் பனி மூட்டம் நிலவும் எனவும் அறிவிக்கப்பட்டுள்ளது.
