மேல் மாகாணத்தில் தனிமைப்படுத்தல் சட்டவிதிமுறைகளை மீறுவோரை கண்காணிக்கும் நடவடிக்கை கடுமையாக அமுல்படுத்தப்பட்டு வருகின்ற நிலையில், தனிமைப்படுத்தல் சட்டவிதிமுறைகளை மீறிய மக்கள் பலர் எச்சரிக்கப்பட்டுள்ளனர் என பொலிஸ் ஊடகப்பிரிவு தெரிவித்துள்ளது.
குறித்த சோதனை நடவடிக்கை நேற்று மேற்கொள்ளப்பட்டது. இச் சோதனை நடவடிக்கையின் போது, 7 ஆயிரத்து 810 பேர் சோதனைக்கு உட்படுத்தப்பட்டுள்ளனர், அவர்களில் தனிமைப்படுத்தல் சட்டவிதிமுறைகளை மீறிய 1,831 பேர் எச்சரிக்கப்பட்டுள்ளனர்.
இதன்போது 3 ஆயிரத்து 21 மோட்டார் சைக்கிள்களும், 2 ஆயிரத்து 645 ஓட்டோக்களும் சோதனைக்கு உட்படுத்தப்பட்டுள்ளன.
மேலும், 778 பொலிஸார் இணைந்து இந்த சோதனை நடவடிக்கையை மேற்கொண்டுள்ளனர் என்பதும் குறிப்பிடத்தக்கது.
