இந்திய நட்சத்திர வீரர் ஹர்பஜான் சிங், கிரிக்கெட்டிலிருந்து ஓய்வு பெறுவதாக அறிவித்துள்ளார்.
இதனை அவர் தனது ட்விட்டரில் தெரிவித்துள்ளார். எல்லா நல்ல விஷயங்களும் முடிவுக்கு வந்துவிட்டது, வாழ்க்கையில் எனக்கு எல்லாவற்றையும் கொடுத்த விளையாட்டிலிருந்து இன்று விடைபெறுகிறேன்.
இந்த 23 ஆண்டுகால பயணத்தை அழகாகவும் மறக்கமுடியாததாகவும் மாற்றிய அனைவருக்கும் நன்றி தெரிவிக்க விரும்புகிறேன் என ஹர்பஜன் ட்விட்டர் பதிவில் தெரிவித்துள்ளார்.
இந்திய அணியின் நட்சத்திர சுழற்பந்து வீச்சாளராக திகழ்ந்தவர் ஹர்பஜான் சிங். 2015 முதல் இந்திய அணியில் விளையாட அவருக்கு வாய்ப்பு கிடைக்கவில்லை.
2016 ஆசியா கோப்பை தொடரில் நடந்த ஐக்கிய அரபு எமிரேட்ஸ் அணிக்கு எதிரான போட்டியே ஹர்பஜான் இந்திய அணிக்காக விளையாடிய கடைசி டி20 போட்டியாகும்.
எனினும், ஹர்பஜான் தொடர்ந்து ஐபிஎல் தொடரில் விளையாடி வந்தார். கடைசியாக 2021 ஏப்ரல் மாதம் சென்னையில் நடந்த பெங்களூர் அணிக்கு எதிரான போட்டியில் கொல்கத்தா அணிக்காக அவர் களமிறங்கினார்.
இந்நிலையில், தான் கிரிக்கெட்டிலிருந்து ஓய்வு பொறுவதாக இன்று டிசம்பர் 24ம் திகதி ஹர்பஜான் அதிகாரப்பூர்வமாக அறிவித்துள்ளார்.
ஹர்பஜன் சிங் டெஸ்ட் போட்டிகளில் 417 , ஒரு நாள் போட்டிகளில் 269, டி20 போட்டிகளில் 25 மற்றும் ஐபில் போட்டிகளில் 150 விக்கெட்டுகளை கைப்பற்றியுள்ளார் என்பது குறிப்பிடத்தக்கது.
All good things come to an end and today as I bid adieu to the game that has given me everything in life, I would like to thank everyone who made this 23-year-long journey beautiful and memorable.
My heartfelt thank you 🙏 Grateful .https://t.co/iD6WHU46MU— Harbhajan Turbanator (@harbhajan_singh) December 24, 2021
கிரிக்கெட்டிலிருந்து ஓய்வு பெற்ற ஹர்பஜான், அடுத்த ஐபிஎல் சீசனில் பிரபல ஐபிஎல் அணியின் பயிற்சி ஊழியராக சேர உள்ளதாக தகவல்கள் வெளியாகியுள்ளது.
