பிரித்தானியாவில் கறுப்பினச் சிறுவனை தாக்கியதால் சிறையில் அடைக்கப்பட்ட முன்னாள் பொலிஸ் அதிகாரி, அவரது வீட்டில் மர்மமான முறையில் இறந்து கிடந்தார்.
டெக்லான் ஜோன்ஸ் (Declan Jones) எனும் பொலிஸ் அதிகாரி, ஏப்ரல் 2020-ல் வெஸ்ட் மிட்லாண்ட்ஸ் காவல்துறையில் பணியில் இருந்தபோது, சைக்கிளில் சென்றுகொண்டிருந்த கறுப்பின நபரையும், மற்றோரு 15 வயது கறுப்பின சிறுவனையும் கடுமையாக தாக்கினார். அந்த காட்சிகள் அருகில் இருந்த சிசிடிவி கமெராவில் ஆதாரங்களாக பதிவானது.
அவர் மீது குற்றங்கள் நிரூபிக்கப்பட்டதால், அவர் வேலையில் இருந்து நீக்கப்பட்டார்.
அதனைத் தொடர்ந்து, டேசர் சம்பந்தப்பட்ட ஒரு சம்பவத்தின் போது உண்மையான உடல் தீங்கு விளைவித்ததாக குற்றம் சாட்டப்பட்ட பின்னர் அவர் மற்றொரு விசாரணையை எதிர்கொள்ள வேண்டியிருந்தது.
பர்மிங்காமில் நடந்த சம்பவங்களில் ஜோன்ஸ் 6 மாதங்கள் சிறையில் அடைக்கப்பட்டார், மேலும் அவர் செப்டம்பர் மாதம் வெஸ்ட் மிட்லாண்ட்ஸ் காவல்துறையில் இருந்து விடுவிக்கப்பட்டார்.
இந்த நிலையில், டிசம்பர் 28 (செவ்வாய்கிழமை) அன்று, வொர்செஸ்டர்ஷையரில் உள்ள ப்ரோம்ஸ்கிரோவில் உள்ள அவரது வீட்டில் இறந்து கிடப்பதை அவரது பெற்றோர்கள் கண்டுபிடித்தனர்.
அவரது மரணம் குறித்து, மேற்கு மெர்சியா காவல்துறையின் செய்தித் தொடர்பாளர் கூறுகையில்:
டிசம்பர் 28 அன்று, Bromsgrove-ல் உள்ள முகவரியில் 30 வயதுடைய ஒருவரின் நலனில் அக்கறை இருப்பதாகப் புகார்கள் வந்ததைத் தொடர்ந்து அதிகாரிகளுக்கு அழைப்பு வந்தது. துரதிர்ஷ்டவசமாக, மதியம் 12.45 மணியளவில் அந்த நபர் இறந்துவிட்டதாக அறிவிக்கப்பட்டது.
மரணத்தில் மூன்றாம் தரப்பினரின் தொடர்பு இருப்பதாக நாங்கள் நம்பவில்லை, மேலும் பிரேத பரிசோதனைக்கு அறிக்கை தயாரிக்கப்படும் என்று அவர் கூறினார்.
