ஒரே நாளில் மட்டும் பேஸ்புக் நிறுவனம் இழந்த தொகை எவ்வளவு தெரியுமா?

சமூக வலைதளங்களில் ஒன்றான பேஸ்புக்கின் தினசரி பயனர்களின் எண்ணிக்கை குறைந்து வருவதாக போர்ப்ஸ் பத்திரிகை தெரிவித்துள்ளது.

பேஸ்புக்கின் உரிமையாளரான Meta நிறுவனத்தின் பங்குச்சந்தை மதிப்பு 230 பில்லியன் அமெரிக்க டொலர்கள் வீழ்ச்சியை சந்தித்துள்ளதுடன்,அதன் பங்குகள் 26.4 வீதம் வீழ்ச்சியடைந்துள்ளன.

பேஸ்புக்கின் வழமையான பயனர்களின் பாவனை கடந்த 18 வருடங்களில் முதற்தடவையாக வீழ்ச்சியடைந்துள்ளதாக Meta நிறுவனம் தெரிவித்துள்ளது.

Meta நிறுவனத்தின் சிரேஷ்ட நிறைவேற்றதிகாரி Mark Zuckerberg இன் நிகர சொத்து மதிப்பு 31 பில்லியன் டொலரினால் வீழ்ச்சியடைந்துள்ளதாக Bloomberg செல்வந்தர்களுக்கான குறிக்காட்டி தெரிவித்துள்ளது.

இந்தியாவின் பில்லியனர்களான கெளதம் அதானி, முகேஷ் அம்பானியை விட பேஸ்புக் சிஇஓ மார்க் ஜூகர்பெர்க் கீழே சென்றுள்ள விவரம் தெரிய வந்துள்ளது.

0வது இடத்தில் உள்ள கெளதம் அதானியின் நிகர சொத்து மதிப்பு சுமார் 90 பில்லியன் டாலர். 11வது இடத்தில் உள்ள முகேஷ் அம்பானியின் சொத்து மதிப்பு 89 பில்லியன் டாலர்.

இவர்களுக்கு அடுத்த இடமான 12-வது இடம்பிடித்துள்ள மார்க் ஜூகர்பெர்க்கின் சொத்து மதிப்பு 85 பில்லியன் டாலராக உள்ளது.

பேஸ்புக்கின் தாய் நிறுவனமான மெட்டா பேஸ்புக் பயனர்களின் எண்ணிக்கை கடந்த 3 மாதங்களில் 193 கோடியில் இருந்து 192.9 கோடியாக குறைந்துள்ளது.

பேஸ்புக்கில் விளம்பரம் செய்யும் விளம்பரதார்கள் செலவினை குறைத்துள்ளதால், பேஸ்புக் வருவாய் குறையலாம் என எதிர்பார்ப்பதாக தெரிவித்துள்ளது.