சீனாவுடன் பேச்சுவார்த்தை நடாத்துமாறு இலங்கைக்கு ஆலோசனை வழங்கும் சர்வதேச நாணய நிதியம்

இலங்கை தனது இருதரப்பு கடன் வழங்குனரான சீனாவுடன் கடன் மறுசீரமைப்பு பேச்சுவார்த்தைகளை ஆரம்பிக்க வேண்டும் என்று சர்வதேச நாணய நிதியம் (IMF) கோரியுள்ளது.

இலங்கை சர்வதேச நாணய நிதியத்திடம் இருந்து கடன் பொதியை எதிர்பார்த்துள்ள நிலையில் இந்த அறிவிப்பு வெளியாகியுள்ளது.

சீனா ஒரு பெரிய கடன் வழங்குநராக உள்ளது. இந்நிலையில், கடன் மறுசீரமைப்பில் இலங்கை சீனாவுடன் தீவிரமாக ஈடுபட வேண்டும் என்று சர்வதேச நாணய நிதியத்தின் ஆசிய மற்றும் பசிபிக் துறையின் இயக்குனர் கிருஷ்ணா சீனிவாசன் கூறியுள்ளார்.

ரொயிட்டர் செய்தி சேவைக்கு வழங்கிய விசேட செவ்வியிலேயே அவர் இதனை குறிப்பிட்டுள்ளார்.

இலங்கை சீனாவிற்கு 6.5 பில்லியன் டொலர் செலுத்த வேண்டும்

IFF (Institute of International Finance) தரவுகளின் படி இலங்கை சீனாவிற்கு 6.5 பில்லியன் டொலர் கடன் வழங்க வேண்டியுள்ளது. மேலும், நெடுஞ்சாலைகள், துறைமுகம், விமான நிலையம் மற்றும் நிலக்கரி மின் நிலையம் போன்ற திட்டங்களில் முதலீடு செய்துள்ளது.

அத்தடன், இந்தியா மற்றும் ஜப்பான் ஆகிய நாடுகளும் இலங்கைக்கு கடன் வழங்குனராக உள்ளன.

இந்நிலையில் தமது கடனை நிலைநிறுத்துவதை உறுதி செய்வதற்காக இலங்கை சீனாவுடன் பேசவேண்டும் என்று கோரியுள்ள கிருஷ்ணா சீனிவாசன், இலங்கை அதிகாரிகளுடன் தொழில்நுட்ப பேச்சுவார்த்தைகள் இடம்பெற்று வருவதாகவும் குறிப்பிட்டுள்ளார்.

அவர் மேலும் குறிப்பிடுகையில், சில பகுதிகளில் நாம் மேலும் முன்னேற வேண்டியுள்ளது என்று கூறியுள்ளார். எவ்வாறாயினும், ஒரு உடன்பாட்டை எட்டுவதற்கு இலங்கை கவனிக்க வேண்டிய முக்கிய சீர்திருத்தங்களைக் குறிப்பிட அவர் மறுத்துவிட்டார்.

கடன் பிரச்சினை மிகவும் முக்கியமானது
சர்வதேச நாணய நிதியத்தின் விரிவாக்கப்பட்ட நிதி வசதி (EFF) திட்டமானது இலங்கைக்கு 17வது திட்டமாக இருக்கும், நாடுகள் கட்டமைப்பு பொருளாதார சீர்திருத்தங்களை செய்ய வேண்டும். மாலைதீவு மற்றும் லாவோஸ் ஆகியவை கடுமையான கடன் சூழ்நிலைகளை எதிர்கொள்ளும் பிராந்தியத்தில் உள்ள நாடுகளுக்கு எடுத்துக்காட்டுகளாகும்.

ஏழைகள் மற்றும் பாதிக்கப்படக்கூடியவர்கள் மீதான பாதிப்பைத் தணிக்க அதிக செலவு செய்ய வேண்டும், ஆனால் வேறு இடங்களில் செலவினங்களைக் குறைப்பதன் மூலம் அல்லது சாத்தியமான இடங்களில் வருவாயை உயர்த்துவதன் மூலம் வரவு செலவுத் திட்டத்தை நடுநிலையாக வைத்திருக்க வேண்டும் என்று சீனிவாசன் அறிவுறுத்தியுள்ளார்.

கடன் பிரச்சினை மிகவும் முக்கியமானது. இது பொதுக் கடன் மட்டுமல்ல, பெருநிறுவனக் கடன் மற்றும் வீட்டுக் கடன். இது கொள்கை வகுப்பதில் தாக்கங்களைக் கொண்டுள்ளது” என்று அவர் மேலும் கூறியுள்ளார்.