முன்னாள் ஜனாதிபதி கோட்டாபய ராஜபக்ஷ சிங்கப்பூரில் உள்ள வைத்தியர் வோல்டர் ஜயசிங்கவிற்கு சொந்தமான வீடமைப்புத் தொகுதியில் தங்கியிருந்ததாக வெளியான செய்திகள் தொடர்பில் அவரது தரப்பினர் கருத்து வெளியிட்டுள்ளார்.
இது தொடர்பில் வோல்டர் ஜயசிங்கவுக்கு சிங்கப்பூரில் வீட்டுத் தொகுதி இல்லை என அமெரிக்காவில் உள்ள சர்வதேச இலங்கை அறக்கட்டளையின் கலாசார அலுவல் பணிப்பாளர் அச்சல வீரசிங்க எழுதியுள்ள கடிதத்தில் குறிப்பிட்டுள்ளார்.
வோல்டர் ஜயசிங்கவிற்கும் முன்னாள் ஜனாதிபதி கோட்டாபய ராஜபக்ஷவிற்கும் இடையில் எவ்வித தொடர்பும் இல்லை எனவும் அந்தக் கடிதத்தில் குறிப்பிடப்பட்டுள்ளது.
முன்னாள் ஜனாதிபதி கோட்டாபய ராஜபக்ஷவுக்கு சிங்கப்பூரில் தங்குமிட வசதிகளை வோல்டர் ஜயசிங்க வழங்கவில்லை என அந்தக் கடிதத்தில் மேலும் தெரிவிக்கப்பட்டுள்ளது.
