பழங்கள் உடலுக்கு நன்மை கொடுக்கக்கூடியவை. வாழைப்பழம் பலரால் விரும்பப்படுவது. உடலுக்கு ஏராளமான நன்மைகளை அது தருவதால் மக்களின் உணவு பழக்கத்தில் அத்தியாவசியமான ஒன்றாகிவிட்டது.
வாழைப்பழத்தை காலையில் எழுந்ததும் வெறும் வயிற்றில் சாப்பிடுவது ஆரோக்கியமானது அல்ல.
வாழைப்பழத்தில் இருக்கும் சர்க்கரை உடலுக்கு உடனடி ஆற்றல் கொடுக்கக்கூடியது. ஆனால் அதில் அமிலத்தன்மையும் இருக்கிறது. எனவே காலையில் வெறும் வயிற்றில் சாப்பிட்டால் குடல் இயக்கமும் பாதிக்கப்படும்.
விளைவுகள்
சர்க்கரையும், அமிலத்தன்மையும் இணைந்து குடலுக்கு அசௌகரியத்தை ஏற்படுத்திவிடும். அதனால் காலை வேளையில் வாழைப்பழம் சாப்பிடுவது நல்லதல்ல. ஏதேனும் ஒரு உணவை சாப்பிட்ட பிறகு வேண்டுமானால் வாழைப்பழம் சாப்பிடலாம்.
வாழைப்பழத்தில் பொட்டாசியம் அதிக அளவு உள்ளது. இயற்கையாகவே அமிலங்களும் உள்ளடங்கி இருக்கிறது. பிற பழங்களுடன் வாழைப்பழத்தை சேர்த்து சாப்பிடும்போது அதில் இருக்கும் அமிலங்களின் வீரியம் குறையும்.
வெறும் வயிற்றில் வாழைப்பழம் சாப்பிடும்போது, அதில் இருக்கும் மக்னீசியம், ரத்தத்தில் கலந்துவிடும். இதனால் ரத்தத்தில் மக்னீசியத்தின் அளவு அதிகரித்துவிடும்.
அதன் காரணமாக கால்சியம் மற்றும் மக்னீசியத்தின் அளவு ரத்தத்தில் சமநிலையில் இருக்காது. அதனால். இதய ஆரோக்கியம் பாதிப்புக்குள்ளாகும்.
மேலும் ஆயுர்வேதத்தின் படி வெறும் வயிற்றில் வாழைப்பழம் மட்டுமின்றி எந்தப் பழத்தையும் சாப்பிடுவது சிறந்ததல்ல என்று கூறப்படுகின்றது.
