உலகில் உயர் உணவுப் பணவீக்கம் காரணமாக அதிகம் பாதிப்புகளை எதிர்நோக்கி வரும் நாடுகள் தொடர்பான உலக வங்கியின் புதிய சுட்டெண்ணில் இலங்கை ஒரு இடத்திற்கு முன்னேறி 6 வது இடத்திற்கு வந்துள்ளது.
கடந்த முறை 7வது இடத்தில் இருந்த இலங்கை
அந்த உணவுப் பணவீக்க சுட்டெண்ணுக்கு அமைய இலங்கை உணவு பணவீக்கம் 64 வீதம் என தெரிவிக்கப்பட்டுள்ளது. கடந்த முறை வெளியான உணவுப் பணவீக்க சுட்டெண்ணுக்கு அமைய 74 வீத உணவு பணவீக்கத்துடன் இலங்கை 7வது இடத்தில் இருந்தது.
புதிய சுட்டெண்ணுக்கு அமைய ஒரு இடம் முன்நோக்கி நகர்ந்துள்ளது. புதிய சுட்டெண்ணுக்கு அமைய இலங்கை முன்நோக்கி சென்றிருந்தாலும் இலங்கையின் பணவீக்கம் 64 வீதம் வரை குறைந்துள்ளது.
உலக வங்கி அண்மையில் வெளியிட்ட உணவு பாதுகாப்பு தொடர்பான புதிய மதிப்பீட்டு அறிக்கையின் அடிப்படையில் இந்த உணவுப் பணவீக்க சுட்டெண் தயாரிக்கப்பட்டுள்ளது.
இம்முறை உலக வங்கியின் சுட்டெண்ணுக்கு அமைய உலகில் அதி உயர் உணவு பணவீக்கம் கொண்ட நாடாக சிம்பாப்வே பட்டியலில் முதலிடத்தில் உள்ளது. அந்நாட்டின் உணவு பணவீக்கம் 376 வீதமாக அதிகரித்துள்ளது.
சுட்டெண்ணில் இரண்டாம், மூன்றாம் இடங்களில் லெபானான், வெனிசூலா ஆகிய நாடுகள் இருக்கின்றன. அவற்றின் உணவு பணவீக்கம் முறையே 171 மற்றும் 158 வீதமாக காணப்படுகிறது.
