இந்தியர்கள் விடுமுறையைக் கழிக்க விரும்பினால், அதற்கு இலங்கையே சிறந்த இடமாகும் என இந்திய வெளிவிவகார அமைச்சர் கலாநிதி எஸ். ஜெய்சங்கர் தெரிவித்துள்ளார்.
மும்பையில் உள்ள இந்திய முகாமைத்துவ கல்வி நிறுவனத்தில் நேற்று நடைபெற்ற விரிவுரையில் கலந்து கொண்ட அவர், மாணவர் ஒருவர் எழுப்பிய கேள்விக்கு பதிலளிக்கும் போதே இதனை தெரிவித்தார்.
விருந்தோம்பலில் இலங்கை முதலிடம்
இலங்கை இந்தியாவின் நெருங்கிய அண்டை நாடு எனவும், இரு நாடுகளுக்கும் இடையில் எப்போதும் வலுவான நட்புறவு இருக்க வேண்டும் எனவும் இந்திய வெளிவிவகார அமைச்சர் தெரிவித்துள்ளார்.
அத்துடன் விருந்தோம்பலில் இலங்கை முதலிடத்தில் இருப்பதால் விடுமுறையைக் கழிக்கப் போகிறீர்கள் என்றால் இலங்கையை விட பொருத்தமான இடம் வேறெதுவும் இல்லை என இந்திய வெளிவிவகார அமைச்சர் மேலும் தெரிவித்துள்ளார்.
இஇந்நிலையில் , இந்திய வெளிவிவகார அமைச்சரின் இந்தக் கருத்துக்கு எதிர்க்கட்சித் தலைவர் சஜித் பிரேமதாச பாராட்டு தெரிவித்துள்ளார். அதோடு , இந்த நாட்டிற்கு வருகை தரும் வணிகத்தின் வளர்ச்சிக்கு இது உதவும் என்றும் சஜித் கூறியுள்ளார்.
அதேவேளை இந்தியாவுடன் இராஜதந்திர நெருக்கடியை எதிர்கொண்டுள்ள தெற்காசிய பிராந்தியத்தின் மற்றுமொரு சுற்றுலாத் தலமான மாலைதீவுக்கு சென்ற இந்திய பிரதமர் நரேந்திர மோடியை மாலத்தீவு அமைச்சர்கள் பலர் விமர்சித்திருந்தனர்.
இந்நிலையில் அதனை , இலக்கு வைத்தே இந்திய வெளிவிவகார அமைச்சர் இலங்கை தொடர்பில் இந்தக் கருத்தை வெளியிட்டுள்ளதாக சில விமர்சகர்கள் சுட்டிக்காட்டுகின்றனர்.
