தேங்காயின் விலை விண்ணைத் தொடும் அளவிற்கு உயர்வடைந்திருப்பதனால் அதில் தங்கியுள்ள உணவு உற்பத்தி மற்றும் விற்பனை கடுமையான பாதிப்பை சந்திக்கும் என உணவுத் தொழில்துறை தொழிற்சங்கங்கள் தெரிவித்துள்ளன.
இந்த விலை அதிகரிப்பானது எதிர்காலத்தில் பொதிசெய்யப்பட்ட கறி உணவுகளில் கடுமையான பாதிப்பை ஏற்படுத்தும் ஏனெனில் பெரும்பாலான கறிகள் தேங்காய் கிரீம் கொண்டு தயாரிக்கப்படுவதால் அந்த உணவு உற்பத்தியாளர்கள் நெருக்கடியை சந்திக்கவுள்ளதாக தெரிவிக்கப்படுகிறது.
60 ரூபாய் முதல் 80 ரூபாய் வரையில் விற்பனை செய்யப்பட்டு வந்த தேங்காய் தற்போது இரண்டு மடங்காக அதிகரித்துள்ளதாக அகில இலங்கை சிற்றுண்டிச்சாலை உரிமையாளர்கள் சங்கத்தின் தலைவர் ருக்ஷான் ஹர்ஷன தெரிவித்துள்ளார்.
அதிக விலை
நேற்றைய தினம் (04) ஊடகங்களுக்கு கருத்துத் தெரிவிக்கும் போதே அவர் மேற்கண்டவாறு கூறியிருந்தார், தவிரவும் அவர் ஒரு தேங்காய் தற்போது 120 ரூபாய் முதல் 150 ரூபாய் வரை விற்பனை செய்யப்படுவதாக அவர் குறிப்பிட்டார்.
அதிகரித்துள்ள தேங்காய் விலையின் கீழ் சாதம் மற்றும் கறி சாப்பாட்டு பொதிகளை தயார் செய்ய முடியாமல் சிற்றூண்டிச் சாலைகள் மற்றும் உணவக உரிமையாளர்கள் மிகுந்த சிரமத்திற்கு உள்ளாகி வருவதாகவும், இதனால் உணவுப் பொதிகளை அதிக விலைக்கு விற்க வேண்டிய நிச்சயமற்ற சூழல் உருவாகி இருப்பதாகவும் அவர் கூறினார்.
திடீர் அதிகரிப்பு
அரிசி, கோழி இறைச்சி, முட்டை, எரிவாயு உள்ளிட்ட அனைத்தின் விலைகளும் கணிசமான அளவு உயர்ந்துள்ள நிலையில் தேங்காய்களின் விலையிலும் எதிர்பாராத உயர்வு ஏற்பட்டுள்ளது.
தேங்காய்களின் விலையில் ஏற்பட்டுள்ள இந்தத் திடீர் அதிகரிப்பு காரணமாக எதிர்வரும் நாட்களில் தேங்காய் எண்ணெயின் விலையும் உயரும் என ஹர்ஷன எச்சரித்துள்ளமை குறிப்பிடத்தக்கது.
