அம்பாறை மரணம் தொடர்பில் கைதானவர்களுக்கு நீதிமன்றம் பிறப்பித்துள்ள உத்தரவு!

அம்பாறையில் உள்ள காரைத்தீவில் மாவடிபள்ளி பாலத்திற்கு அருகில் உழவு வண்டி ஒன்று வெள்ளத்தில் அடித்துச் செல்லப்பட்ட சம்பவம் தொடர்பில், கைதான 4 பேரில் இருவர் விளக்கமறியலில் வைக்கமாறு நீதிமன்றம் உத்தரவிட்டுள்ளது.

குறித்த சம்பவம் தொடர்பான கைதான மதரஸா பாடசாலையின் அதிபர், ஆசிரியர் உள்ளிட்ட 4 பேர் நேற்றையதினம் சம்மாந்துறை பதில் நீதவான் முன்னிலையில் ஆஜர்ப்படுத்தப்பட்டனர்.

இதன்போது, மதரஸா பாடசாலையின் அதிபரையும், ஆசிரியரையும் எதிர்வரும் 2 ஆம் திகதி வரை விளக்கமறியலில் வைக்குமாறு நீதிவான் உத்தரவிட்டுள்ளார்.

ஏனைய இருவரையும் பிணையில் செல்ல அனுமதிக்குமாறு நீதவான் உத்தரவிட்டுள்ளார்.