வெளிநாடு ஒன்றில் உயிரிழந்த இலங்கை மாணவிகளின் பெற்றோரை நேரில் சந்தித்த அமைச்சர்

அஸர்பைஜானில் உயிரிழந்த மாணவிகள் மூவரினதும் சடலங்களை இலங்கைக்கு கொண்டுவருவதற்கு தேவையான நடவடிக்கை எடுக்கப்பட்டுள்ளது.

இதற்காக தலா 15 இலட்சம் ரூபா நிதியை வழங்க தீர்மானித்துள்ளதாக வெளிவிவகார அமைச்சர் தினேஷ் குணவர்தன தெரிவித்துள்ளார்.

உயிரிழந்த மாணவிகளின் பெற்றோர்கள் வெளிவிவகார அமைச்சுக்கு வருகை தந்து அமைச்சரை சந்தித்த போது அவர் இதனை தெரிவித்துள்ளார்.

அஸர்பைஜானின் தனியார் பல்கலைக்கழகமொன்றில் கல்வி பயின்ற இலங்கை யுவதிகள் மூவர் தங்களது தங்குமிடத்தில் ஏற்பட்ட தீ விபத்து காரணமாக உயிரிழந்தனர்.

உயிரிழந்த மாணவிகளின் உடல்களை இலங்கைக்கு கொண்டு வரும் நடவடிக்கைகளுக்காக அரசு குறித்த நிதியை வழங்குவதாக வெளிவிவகார அமைச்சர் தினேஷ் குணவர்தன உயிரிழந்த மாணவிகளின் பெற்றோர்களிடம் அறிவித்துள்ளார்.