டெல்லியை சேர்ந்த 5 வயது சிறுமி கடந்த 2013 ஆம் ஆண்டு ஏப்ரல் மாதம் தனது பக்கத்து வீட்டில் வசித்து வந்த மனோஜ், பிரதீப் எனும் இரண்டு நபர்களால் பாலியல் வன்கொடுமை செய்யப்பட்டார்.
40 நிமிடத்திற்கு மேல் நடந்த இந்த பாலியல் வன்கொடுமையில் அந்த சிறுமியின் பிறப்பு உறுப்பில் 200 ml பாட்டில், மெழுகுதிரி போன்றவைகளை சொருகி சித்திரவதை செய்துள்ளனர். இதைத்தொடர்ந்து சிறுமி இறந்து விட்டதாக நினைத்து அதே இடத்தில் அந்த சிறுமியை விட்டு சென்றுள்ளனர்.
இரண்டு நாட்கள் பிறகு அந்தச் சிறுமி மீட்கப்பட்டு மருத்துவமனையில் சேர்க்கப்பட்டார். சிறுமியின் உதடு, கன்னம், தோள்பட்டை, பிறப்புறுப்பு போன்ற பகுதிகளில் பலத்த காயம் ஏற்பட்டு ரத்த வெள்ளத்தில் சிறுமி துடித்ததாக மருத்துவர்கள் தெரிவித்தனர்.
இதையடுத்து குற்றவாளிகள் இருவரையும் காவல்துறையினர் கைது செய்து சிறையில் அடைத்தனர். இந்த வழக்கு மீதான விசாரணைகள் முடிந்து, வருகிற ஜனவரி மாதம் 30ஆம் தேதி தீர்ப்பு வழங்கப்பட உள்ளதாக நீதிமன்றம் தெரிவித்துள்ளது.
