அவுஸ்ரேலிய பகிரங்க டென்னிஸ்: ஆண்களுக்கான முன்றாவது சுற்றுப் போட்டிகளின் முடிவுகள்

ஆண்டின் முதலாவது கிராண்ட்ஸ்லாம் அந்தஸ்து பெற்ற அவுஸ்ரேலிய பகிரங்க டென்னிஸ் தொடர், தற்போது விறுவிறுப்புக்கு பஞ்சமில்லாமல் நடைபெற்று வருகின்றது.

ஆண்கள் மற்றும் பெண்கள் பங்கேற்றுவரும் இத்தொடரில் தற்போது மூன்றாவது சுற்றுப் போட்டிகள் நடைபெற்று வருகின்றன.

சரி தற்போது மூன்றாவது சுற்றின் சில முக்கியமான போட்டிகளின் முடிவுகளை பார்க்கலாம்,

ஆண்கள் ஒற்றையர் பிரிவு மூன்றாவது சுற்றுப் போட்டியொன்றில், ஸ்பெயினின் ரபேல் நடால், சகநாட்டு வீரரான பப்லோ கரேனோ புஸ்டாவை எதிர்கொண்டார்.

பரபரப்பாக நடைபெற்ற இப்போட்டியில், ரபேல் நடால், 6-1, 6-2, 6-4 என்ற செட் கணக்குகளில் வெற்றிபெற்று நான்காவது சுற்றுக்கு தகுதி பெற்றார்.
………….
இன்னொரு ஆண்கள் ஒற்றையர் பிரிவு மூன்றாவது சுற்றுப் போட்டியொன்றில், பெல்ஜியத்தின் டேவிட் கோஃபினும், ரஷ்யாவின் ஆண்ட்ரி ரூப்லெவ்வும் பலப்பரீட்சை நடத்தினர்.

இரசிகர்களுக்கு உச்ச விறுவிறுப்பை ஏற்படுத்திய இப்போட்டியில், 2-6, 7-6, 6-4, 7-6 என்ற செட் கணக்குகளில் ஆண்ட்ரி ரூப்லெவ் வெற்றிபெற்று நான்காவது சுற்றுக்கு முன்னேறினார்.
……………
மற்றொரு ஆண்கள் ஒற்றையர் பிரிவு மூன்றாவது சுற்றுப் போட்டியொன்றில், ஒஸ்திரியாவின் டோமினிக் தியேமும், அமெரிக்காவின் டெய்லர் ஃபிரிட்ஸ்சும் பலப்பரீட்சை நடத்தினர்.

விறுவிறுப்பாக நடைபெற்ற இப்போட்டியில், 6-2, 6-4, 6-7, 6-4, என்ற செட் கணக்குகளில் டோமினிக் தியேம், வெற்றிபெற்று நான்காவது சுற்றுக்குள் நுழைந்தார்.
………….
இன்னொரு ஆண்கள் ஒற்றையர் பிரிவு மூன்றாவது சுற்றுப் போட்டியொன்றில், பிரான்ஸின் கல் மோன்ஃபில்ஸ்சும், லத்வியாவின் ஏர்னெஸ்ட் குல்பிஸ்சும் மோதினர்.

இரசிகர்களின் கரகோஷத்திற்கு மத்தியில் நடைபெற்ற இப்போட்டியில், 7-6, 6-4, 6-3 என்ற நேர் செட் கணக்குகளில் மோன்ஃபில்ஸ் வெற்றிபெற்று நான்காவது சுற்றுக்கு முன்னேறினார்.