பிரபல கன்னட நடிகரான சிரஞ்சீவி சர்ஜா, Cardiac Arrestஆல் உயிரிழந்த சம்பவம் திரையுலகினரை அதிர்ச்சியில் ஆழ்த்தியுள்ளது.
கடந்த 2009ம் ஆண்டு வெளியான ‘வாயுபுத்ரா ‘ என்ற படத்தின் மூலம் கன்னட திரையுலகில் அறிமுகமானவர் சிரஞ்சீவி சர்ஜா.
22 கன்னட படங்களில் நடித்துள்ள சிரஞ்சீவி கடைசியாக ‘ஷிவார்ஜூனா ‘ என்ற படத்தில் நடித்திருந்தார்.
இந்நிலையில் நேற்று மதியம் சாப்பிட்டுவிட்டு அவரது தந்தையுடன் போனில் பேசிக் கொண்டிருந்த போது திடீரென மயங்கி விழுந்தார்.
உடனடியாக அவரை மருத்துவமனையில் அனுமதித்த போதும் சிகிச்சை பலனின்றி Cardiac Arrestஆல் பலியானதாக மருத்துவர்கள் தெரிவித்தனர், இவருக்கு வயது வெறும் 39 மட்டுமே.
இவரது மனைவியான மேக்னாராஜூம் பிரபல நடிகையாவார், மலையாளம் மற்றும் தெலுங்கு படங்களில் நடித்துள்ளவருக்கு ஏராளமான ரசிகர்கள் உள்ளனர்.
கடந்த 2018ம் ஆண்டு இருவரும் காதலித்து திருமணம் செய்து கொண்டனர், தற்போது மேக்னா கர்ப்பமாக இருக்கும் நிலையில் முதல் குழந்தையை ஆவலுடன் எதிர்பார்த்து காத்திருந்தனர்.
எதிர்பாராதவிதமாக நடந்த துயரச்சம்பவத்தால் திரையுலகமே அதிர்ச்சியில் ஆழ்ந்துள்ளது, அவரது உடல் இன்று அடக்கம் செய்யப்படும்.
