வெளிநாட்டில் இருந்து இந்தியாவிற்கு திரும்பிய விமானத்தில், தனக்கு அருகில் இருந்த நபர் பாலியல் துன்புறுத்தல் கொடுத்ததாக பெண் ஒருவர் புகார் அளித்துள்ளார்.
கொரோனா வைரஸ் பரவல் காரணமாக உலகின் பல்வேறு நாடுகளில் விமான சேவை தடை செய்யப்பட்டுள்ளது. ஒரு சில நாடுகளில் உள்நாட்டு சேவை விமானங்கள் மட்டும் இயங்கி வருகின்றன.
இதற்கிடையில், வெளிநாட்டில் சிக்கியிருக்கும் தங்கள் நாட்டு மக்களை மீட்பதற்காக, ஒவ்வொரு நாடுகளும், சிறப்பு விமானங்களை ஏற்பாடு செய்து, அதில் தங்கள் நாட்டு மக்களை அழைத்து வருகின்றனர்.
அந்த வகையில் மஸ்கட்டில் இருந்து இந்தியாவிற்கு அனுப்பப்பட்ட சிறப்பு விமானம் ஒன்றில் கேரளாவின், மலப்புரத்தை சொந்த ஊராக கொண்ட இளம் பெண் ஒருவர் வந்துள்ளார்.
அப்போது அந்த விமானத்தில் பயணிகளின் விளக்குகள் அணைக்கப்பட்ட போது, சுமார் 60 வயது மதிக்கத்தக்க நபர் தனக்கு அருகில் இருந்த பெண் ஒருவரிடம் சில்மிஷத்தில் ஈடுபட்டுள்ளார்.
இதனால் அப்பெண் உடனடியாக விமானம் கேராளவின் Karipur-ல் தரையிரங்கியவுடன் அங்கு புகார் கொடுத்துள்ளார். இதையடுத்து குறித்த நபரிடம் பொலிசார் விசாரணை மேற்கொண்டு வருகின்றனர்.
