பிரித்தானியா பிரதமர் போரிஸ் ஜோன்சன் தனது காதலியை ரகசியை திருமணம் செய்து கொண்டதாக தகவல் வெளியாகியுள்ளது.
56 வயது மதிக்கத்தக்க பிரித்தானிய பிரதமர் போரிஸ் ஜோன்சன், தன்னை விட 24 வயது குறைந்த கேரி சைமண்ட்ஸ் (32) என்ற பெண்ணை காதலித்து வந்தார். அந்த பெண்ணை திருமணம் செய்து கொள்ளாமல், அவருடன் சேர்ந்து வாழ்ந்து வந்தார்.
இதன் காரணமாக கடந்த இந்த ஜோடிக்கு அழகான குழந்தை பிறந்தது. அதைத் தொடர்ந்து, தாங்கள் இருவரும் திருமணம் செய்து கொள்ளவிருப்பதாக ஜான்சன் – கேரி சைமண்ட்ஸ் தம்பதி அறிவித்தனர்.
இந்நிலையில், பிரதமர் போரிஸ் ஜோன்சன் தனது காதலி கேரி சைமண்ட்ஸை ரகசிய திருமணம் செய்து கொண்டதாக தகவல் வெளியாகியுள்ளது. லண்டனில் உள்ள ஒரு கிறிஸ்தவ மத வழிபாட்டு தளத்தில் இந்த திருமணம் நடைபெற்றது.
திருமணத்தில் மிக சிறிய எண்ணிக்கையிலான நபர்கள் மட்டுமே பங்கேற்றுள்ளனர். போரிஸ் ஜோன்சனுக்கு ஏற்கனவே 2 முறை திருமணம் நடந்து விவாகரத்து ஆகியுள்ளது.
ஜோன்சனுக்கு இது 3-வது திருமணம் ஆகும். கேரி சைமண்ட்ஸ் கன்சர்வேடிவ் கட்சியில் சேர்ந்து பணியாற்றியவர். 2010-ஆம் ஆண்டு லண்டன் மேயர் தேர்தலில் போரிஸ் ஜான்சனுக்காக பிரசாரம் செய்தவர் என்பது குறிப்பிடத்தக்கது.
