ஜெனிவா மனித உரிமை பேரவையின் 49 வது கூட்டத் தொடர் இன்று ஆரம்பமாக உள்ளதுடன் கூட்டத் தொடர் எதிர்வரும் ஏப்ரல் முதலாம் திகதி வரை நடைபெறவுள்ளது.
இந்த கூட்டத் தொடரில் ஐக்கிய நாடுகள் மனித உரிமை ஆணையாளர் இலங்கை தொடர்பாக புதுப்பிக்கப்பட்ட அறிக்கையை தாக்கல் செய்ய உள்ளார்.
எதிர்வரும் 3 ஆம் திகதி இலங்கை சம்பநதமான விவாதங்கள் நடைபெறவுள்ளன. ஐக்கிய நாடுகள் மனித உரிமை பேரவையின் 49வது கூட்டத் தொடரில் கலந்துக்கொள்ளும் இலங்கை தூதுக்குழுவிற்கு வெளிவிவகார அமைச்சர் ஜீ.எல்.பீரிஸ் தலைமை தாங்குகிறார்.
கூட்டத் தொடரில் கலந்துக்கொள்ள ஜெனிவா செல்லும் அமைச்சர் பீரிஸ், ஐக்கிய நாடுகள் மனித உரிமை ஆணையாளரையும் சந்தித்து கலந்துரையாடவுள்ளார்.
